Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
AKTUALITET
EMRAT/ Polici në Krujë kapet duke nuhatur boçen e drogës. Prangoset vëllai, polici shpallet në kërkim
PiranjatPërditësimi i fundit 13 Tetor 2025, 16:07
Ky që shihni në këtë foto është Elson Leka, punonjësi i policisë së Krujës, i cili shfaqet teksa hyn në një parcelë me drogë të kultivuar në fshatin Nojë, që ndodhet në zonën e Malësisë së Krujës. Momenti kur Leka, hyn në parcelën me drogë dhe më pas fillon ti bjeri erë një boçeje hashashi sikur të ishte trëndafil, është kapur nga droni i Policisë së Durrësit, e cila ka ndjekur këtë rast të kultivimit të narkotikëve.
Fotoja është siguruar nga gazetari Elton Qyno, ku dukshëm të gjitha veprimet kriminale të punonjësit të policisë Elson Leka, janë filmuar nga Droni, i cili ka fluturuar në një distancë të largët. Por mjeti fluturues është pikasur nga punonjësi i policisë, i cili ka dalë nga parcela me drogë dhe me vrap ka hyrë në banesën e tij.
Ndërkohë grupi policor që ndodhej në teren, kanë shkuar me shpejtësi në drejtim të shtëisë, por nuk kanë mundur ta gjejnë kolegun e tyre, Elson Leka, i cili kishte mundur të ikte nga shtëpia duke u fshehur në një zonë të pyllëzuar.
Ndaj punonjësit të policisë Elson leka, është marë masa e sigurisë “arrest në burg” në mungesë për akuzën e “Shpërdorimit të detyrës”, “Kultivimit të lëndëve narkotike” kryer në bashkëpunim dhe “Mbajtjes pa lejë të armëve të zjarrit”. Po gjatë këtij aksioni policia mundi të kapë dhe arrestojë vëllain e punonjësit të policisë, shtetasin Çlirim Leka. Ky i fundit është filmuar me dron teksa hyn në dy parcel me drogë dhe kujdeset për rritjen e lëndës narkotike.
Ndërsa gjatë kontrollit të banesës, dy vëllezërve ju kapën dy armë zjarri tip “TT”, ku njëra i përkiste punonjësit të policisë ndërsa tjetra rezultoi pa lejë. Kurse dy parcelat me drogë, përkatësisht njëra me 36 rrënjë kanabis dhe tjetra me 29 rrënjë kanabis, ndodheshin në një distancë prej 600 metra nga fshati Nojë. Për të kontrolluar në distancë dy parcelat me drogë, dy vëllezërit kishin instaluar dy kamera,të cilat tashmë u sekuestruan nga agjentët e AMP-së në Durrës.
Pritet që ditën e nesërme njëri nga vëllezërit, Çlirim Leka, të dalë para gjykatës së Tiranës, për tu njohur me masën e siguirisë “arrest në burg”, që ka kërkuar përfaqësuesi i prokurorisë.
