EMRI/ Dhunoi 42-vjeçarin dhe e la në mes të rrugës, identifikohet dhe shpallet në kërkim autori

foto ilustruese

TIRANË- Shpallet në kërkim autori i dhunës ndaj 42-vjeçarit Rigels Kaso në Tiranë. Bëhet fjalë për 34-vjeçarin Bajram Gjeleshi, ku ditën e djeshme ka goditur me sende të forta Kason për motive të dobëta.

Kaso u gjet nga kalimtarët në orët e para të mëngjesit të djeshëm në rrugën “Sokrat Miho” i shtrirë në tokë me shenja dhune. Po punohet për kapjen e Gjeleshit dhe vënien e tij para drejtësisë.

Njoftimi i Policisë:

Në vijim të njoftimit paraprak të dhënë ditën e djeshme, më datë 15.07.2024, specialistët e Sektorit për Hetimin e Krimeve ndaj Personit kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, dhe po punojnë për kapjen e shtetasit B. Gj., 34 vjeç, lindur në Peshkopi dhe banues në Tiranë.

Shtetasi B. Gj., ditën e djeshme, më datë 15.07.2024, në rrugën "Sokrat Miho", dyshohet se për motive të dobëta, ka goditur me sende të forta shtetasin R. K., 42 vjeç, banues në Bilisht, i cili ndodhet në spital, nën kujdesin e mjekëve.

Materialet i kaluan Prokurorisë për veprën penale "Plagosja e rëndë me dashje", parashikuar nga neni 88 i Kodit Penal.

dhune rigels kaso