Real Madridi po e shqyrton gjithnjë e më seriozisht mundësinë e transferimit të Declan Rice, me disa figura me ndikim brenda klubit q...
AKTUALITET
EMRI/ Dhunonte gruan dhe e kërcënonte me jetë, arrestohet 53-vjeçari, i gjendet një pistoletë
PiranjatPërditësimi i fundit 24 Janar 2026, 11:20
Në prangat e policisë së Tepelenës ka rënë një shtetas 53-vjeçar, pasi dyshohet se ushtronte dhunë ndaj bashkëshortes së tij dhe e kanoste atë, se do ta vriste.
Sipas njoftimit të policisë, gjatë kontrollit në banesë iu gjet dhe një armë tip pistoletë.
Nga burimet bëhet me dije se i arrestuar është shtetasi Lulëzim Doka.
Njoftimi i policisë/ Tepelenë
Si rezultat i ndërhyrjes në kohë dhe i veprimeve profesionale të shërbimeve të Policisë parandalohet një ngjarje e mundshme kriminale në familje, në fshatin Lulëzim, Memaliaj.
Ushtronte dhunë ndaj bashkëshortes së tij dhe e kanoste atë, se do ta vriste, arrestohet në flagrancë 53-vjeçari.
Sekuestrohet 1 armë zjarri pistoletë, që u gjetë gjatë kontrollit në banesën e 53-vjeçarit.
Shërbimet e Stacionit të Policisë Memaliaj, në Komisariatin e Policisë Tepelenë, pas njoftimit se një shtetas kishte dhunuar bashkëshorten e tij dhe e kishte kanosur atë, se do ta vriste, kanë organizuar menjëherë punën për parandalimin e ngjarjes së mundshme kriminale.
Si rezultat i ndërhyrjes së shpejtë dhe profesionale të shërbimeve të Policisë, është bërë neutralizimi dhe arrestimi në flagrancë i shtetasit L. D., 53 vjeç, banues në fshatin Lulëzim, Memaliaj.
Gjatë kontrollit në banesën e 53-vjeçarit, shërbimet e Policisë gjetën dhe sekuestruan një armë zjarri pistoletë, e cila u sekuestrua në cilësinë e provës materiale.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
