Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
AKTUALITET
Emri/ I akuzuar për shpërdorim detyre, procedohet penalisht inspektori i drejtorisë së bujqësisë
E.DPërditësimi i fundit 13 Gusht 2024, 15:01
DIBËR- Inspektori i drejtorisë së bujqësisë dhe administrimit të ujrave dhe kullotave në bashkinë e Dibrës, Halil Kurti është proceduar penalisht. Gjithashtu ai akuzohet për shpërdorim detyre pasi dyshohet se ka lejuar banorë të zonës të prisnin lëndë drusore në mënyrë të paligjshme dhe nuk informoi strukturat e Policisë.
Njoftimi i Policisë:
Lejoi banorë të zonës të prisnin lëndë drusore në mënyrë të paligjshme dhe nuk informoi strukturat e Policisë, nis hetimi penal për Inspektorin e Drejtorisë së bujqësisë administrimit të ujrave dhe kullotave në bashkinë Dibër.
Komisariati i Policisë Dibër, referoi materialet në Prokurori për veprën penale “Shpërdorimi i detyrës”, në ngarkim të shtetasit H.K., 58 vjeç, banues në fshatin Selishtë, Dibër, me detyrë Inspektor në Drejtorinë e bujqësisë administrimit të ujrave dhe kullotave në bashkinë Dibër. Nga hetimet e kryera ka rezultuar se ky shtetas duke mos ushtruar kompetencat ligjore që ligji e ngarkon me përgjegjësi, nuk ka informuar strukturat e policisë por ka lejuar dy banorë në zonën e tij pyjore, në vendin e quajtur, “Liqeni i Bataçes”, në fshatin Kacni, të prisnin pa leje 150 pemë ahu, dhe 25m³ lëndë drusore.
Vijojnë hetimet e thelluara për dokumentimin e kësaj veprimtarie kriminale në dëm të mjedisit, identifikimin dhe kapjen e autorëve përgjegjës.
