Një analizë e thellë e zhvillimeve të fundit politike zbulon një prapaskenë të errët që përfshin nivelet m&e...
AKTUALITET
EMRI/ Ndezi zjar në një sipërfaqe toke, digjet stalla e bagëtive dhe kosheret e bletëve, arrestohet autori në Shkodër
S.BPërditësimi i fundit 1 Gusht 2024, 12:10
pamje nga ngjarja
SHKODËR- Një person është arrestuar ditën e sotme për zjarrvënie në Shkodër. Mësohet se Mark Gjokaj 64 vjeç, i vuri flakën një sipërfaqeje toke në fshatin Pentar.
Si pasojë e përhapjes së flakëve u dogjën disa pemë frutore, një stallë bagëtish dhe disa koshere bletësh.
Njoftimi i Policisë:
Policia identifikon dhe vë në pranga një shtetas të dyshuar për zjarrvënie në fshatin Pentar. Në vijim të punës hetimore për identifikimin dhe kapjen e autorëve të zjarrvënieve, si rezultat i informacioneve dhe provave të siguruara nga Komisariati i Policisë Shkodër, u bënë identifikimi dhe ndalimi i shtetasit:
-Mark Gjokaj, 64 vjeç, banues në fshatin Mali i Gjymtit.
Ky shtetas dyshohet se ka ndezur zjarr në një sipërfaqe toke në fshatin Pentar dhe nga përhapja e flakëve janë djegur një sipërfaqe toke e mbjellë me pemë frutore, një stallë bagëtish dhe disa koshere bletësh.
Drejtoria Vendore e Policisë Shkodër apelon për të gjithë banorët dhe në veçanti për ata që kanë në përdorim sipërfaqe kullosore, që në asnjë rast të mos shkaktojnë zjarrvënie, pasi do të përballen me ligjin. Policia fton qytetarët që të denoncojnë në numrin 112, për çdo rast të zjarrvënies apo të paligjshmërisë në tërësi, duke iu garantuar anonimat dhe reagim të shpejtë e të paanshëm.
