Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
AKTUALITET
EMRI/ Vodhi 15 mijë euro nga një banesë në Komunën e Parisit, arrestohet 38-vjeçari
S.BPërditësimi i fundit 29 Gusht 2024, 12:58
pamje nga ngjarja
TIRANË- Një 38-vjeçar është arrestuar ditën e sotme në kryeqytet. Mësohet se Olsi Bibollari 38 vjeç ka vjedhur 15,000 euro nga një shtëpi në zonën e Komunës së Parisit.
Për pasojë janë sekuestruar edhe shuma parash të dyshuara të vjedhura, që u gjetën në banesën e autorit, një automjet si dhe veshjet që Bibollari ka përdorur gjatë ngjarjes.
Njoftimi i Policisë:
Tiranë/ Finalizohet nga Komisariati i Policisë Nr. 2, operacioni policor i koduar "Key" për goditjen e veprimtarisë kriminale në fushën e vjedhjes së pronës.
Vodhi 15 000 euro në një banesë, arrestohet 38-vjeçari.
Sekuestrohen shuma parash të dyshuara të vjedhura, që u gjetën në banesën e autorit të dyshuar, një automjet si dhe veshjet që autori ka përdorur gjatë ngjarjes.
Specialistët për Hetimin e Krimeve të Komisariatit të Policisë Nr. 2 në vijim të punës për goditjen e veprimtarive kriminale në fushën e vjedhjes së pronës dhe për vënien përpara përgjegjësisë penale, të shtetasve që i kryejnë ato, kanë organizuar dhe finalizuar operacionin policor të koduar "Key".
Si rezultat i tij u arrestua shtetasi Olsi Bibollari 38 vjeç, banues në Tiranë, për veprën penale "Vjedhja", parashikuar nga neni 134 i Kodit Penal.
Ky shtetas dyshohet se më datë 25.08.2024, ka vjedhur shumën 15 000 euro në një banesë në Komunën e Parisit.
Në cilësinë e provës materiale u sekuestruan shuma parash të dyshuara të vjedhura, një automjet, dhe veshje të cilat autori i dyshuar i ka përdorur gjatë kryerjes së vjedhjes.
