Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
AKTUALITET
ERE vendos tarifë të re për energjinë në stacionet e karikimit të makinave elektrike, taksistët në protestë: Do e ndjekim ligjërisht
PiranjatPërditësimi i fundit 23 Tetor 2025, 12:04
Enti Rregullator i Energjisë (ERE) ka vendosur një tarifë të re për energjinë elektrike në stacionet e karikimit të makinave elektrike, e cila do të hyjë në fuqi më 1 nëntor. Sipas tarifës së re, çmimi i energjisë elektrike do të jetë 22 lekë për kilovat orë (kWh), ndërsa në orët e pikut, nga ora 18:00 deri në 23:00, tarifa do të rritet në 25.3 lekë/kWh.
Kjo tarifë e re ka shkaktuar shqetësim për përdoruesit e makinave elektrike dhe përfaqësuesit e taksive, të cilët paralajmërojnë për kosto të shtuar. Xhevit Bara, një nga përfaqësuesit e Sindikatës së Taksive, i ftuar në një emision televiziv, theksoi se taksitë do të jenë të detyruara të ndjekin rrugën ligjore për të përballuar këtë ndryshim të tarifave, duke shtuar kështu koston e operimit, po ashtu paralajmëroi edhe një protestë për këtë të premte.
Për përdoruesit e makinave elektrike, kjo do të thotë një shpenzim më i lartë për karikim, veçanërisht gjatë orëve të pikut.
Xhevit Bara:
Në qoftë se dje merrje një qytetar për ta çuar nga këtu ku jemi, te ETC dhe e çoje në qendër, 300 lekë rruga, ti harxhoje 100 lekë energji elektrike dhe nxirrje 200 lekë. Ky përkthehet në taksa dhe në fitimin e familjes tënde. Më datë 1, nuk do ta marrësh më këtë 200 lekëshin se do të shkojë 200 lekë korrenti dhe nuk e merr.
Nuk mund ta rrisësh çmimin sepse çmimi është atribut ligjor i Këshillit Bashkiak të Tiranës.
Në qoftë se dje një taksi me një mesatare, fitoje në 10 rrugë nga 1 mijë lekë, 10 mijë lekë. Në datën 1 ka për të fituar 8 mijë lekë sepse do t’i hajë energjia më shpejt sesa më 31.
Të premten, në orën 12:00 do të ketë një manifestim nga kompanitë e taksive.
Ne do të ndjekim rrugët ligjore, nuk kemi si të pajtohemi kështu. Sindikata nuk është kundër normave e ligjeve. Do të bëjmë të gjitha tentativat që na lejon ligji, që dje kanë çuar shkresat zyrtare dhe do të shkojmë te protesta, do të jenë të padhunshme.
