Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
Etiketa e një vere zbulon mashtrimin?/ 1 herë Rama del krah 'Alehandro Group', gjithë shteti dehet nuk shikon, nuk kontrollon
PiranjatPërditësimi i fundit 5 Shkurt 2026, 13:28
Një etiketë vere e denoncuar mesa duket fsheh shumë institucione duke nisur nga AKU, drejtorinë e Përgjithshme të Doganave dhe Kryeministrin nga pas.
Pak ditë më parë, Piranjat denoncuan një rast të paprecedentë, ku një verë e importuar shitej si verë e bardhë, ndërkohë që brenda shishes ishte verë e kuqe.
Bëhet fjalë për shishen e verës Chianti Banfi e vitit 2020, që shitet në supermarketet Aldi, tek zona e “Kodrës së Diellit
Sipas denoncimit të qytetarit, në etiketë dhe ambalazh, produkti paraqitet si verë e bardhë, por përmbajtja reale është verë e kuqe.
Ky denoncim ka ngritur pyetje serioze mbi praktikat e importuesit të këtij produkti dhe mbi kontrollet doganore në vend, pasi produkti duket se ka kaluar pa u verifikuar.
Në këto kushte lindin dyshime të arsyeshme se mund të kemi të bëjmë me një mashtrim.
Për qytetarët që e kanë blerë këtë verë, dëmi është ekonomik, por edhe mund të sjell dëme shëndetsore, pasi ka njerëz që kanë alergji nga vera e kuqe.
Por përtej kësaj advokohen problematika mbi kontrollin e këtij produkti.
Ky rast duhet të ngrinte në alarm shtetin, i cili ose ka këtë strategji mashtrimi për çdo produkt që hyn në Shqipëri, ose ka toleruar vetëm ‘’Alehandro Wine Group’’.
Këtu kemi të bëjmë me një shkelje të madhe ku përgjegjësia bie mbi Drejtorinë e Përgjithshme të Doganave dhe Agjensinë Kombëtare të Ushqimit (AKU).
Në këto kushte lindin disa pyetje
Si arriti të kalojë doganën një verë e bardhë, por që është e kuqe?
Ku ishte AKU, a e kontrolloi?
Ndërkohë që sasia e këtyre verërave që mund të jenë importuar ende nuk dihet e saktë, por ajo që dihet është që kemi të bëjmë me një mashtrim të madh.
“Ku shfaqet kryeministri Shteti dhe institucionet dehen”
Piranjat kanë vëzhguar akoma më tej këtë çështje.
Ne kemi shkuar pas në kohë ku në 21 dhjetor të 2025, pritja tradicionale e Kryeministrit Edi Rama me ambasadorët e akredituar në Tiranë, u organizua nga Château Braha dhe Alehandro Wine Group.
Eshtë pikërisht importuesi i verës që shet verë të bardhë në etiketë, por brenda shishes e ka mbushur me të kuqe.
Siç duket dhe nga statusi mes tij dhe Ramës ka një raport mjaft miqësor, ndaj dhe kryeministrit Rama i takon një përgjigje për reklamimin që ju bën bizneseve të tilla dhe raportet personale që ka me ta.
Kjo festë e organizuar nga importuesi i verërave ngre hije dyshimi dhe për faktin që mund të kemi një bashkëpunim që doganat dhe AKU të mbyllin sytë duke mos parë etiketat dhe përputhjen e tyre me produktin.
VIDEO ku Rama flet në eventin e organizuar nga ''Alehandro Wine Group''
Në çdo rast hallka më e dobët në këtë fenomem është konsumatori, i cili ndryshe e sheh në etiketë, por nuk e di se çka në brendësi produkti. Por mesa duket, janë krahët e ngrohtë nga “lart”, ndaj na sjellin në tavolinë një produkt “gjysmë mish e gjysmë peshk”.
Kush mban përgjegjësi për këtë skandal, pasi ende nuk ka asnjë reagim zyrtar./Piranjat News
