Një tjetër grup studentësh, ata të Mjekësisë, i janë bashkuar turmës së protestuesve të mbledhur para Kryemini...
AKTUALITET
“Fake news”, IMT reagon për shpronësimet në Kombinat: Personat e prekur do të kompensohen
PiranjatPërditësimi i fundit 6 Tetor 2025, 12:44
Inspektorati i Mbrojtjes së Territorit (IMT), pranë Bashkisë Tiranë ka reaguar publikisht në lidhje më çështjen e zonën e Kombinatit.
Në një reagim zyrtar, IMT thekson se çdo person që preket nga projekti do të kompensohet.
Reagimi i IMT-SË:
Inspektorati i Mbrojtjes së Territorit (IMT), pranë Bashkisë Tiranë, përgënjeshtron kategorikisht informacionet e publikuara në disa portale, të cilat përhapin lajme të rreme dhe të pabazuara mbi veprimtarinë institucionale të IMT në zonën e Kombinatit, duke e konsideruar atë si një lajm të rremë (fake news) që synon të dezinformojë publikun dhe të hedhë baltë mbi një proces transparent dhe ligjor.
Sqarojmë opinionin publik se:
• IMT ka vepruar në përputhje të plotë me kuadrin ligjor në fuqi, bazuar në procesverbalin e mbajtur në terren dhe dokumentacionin zyrtar që pason procedurat administrative.
• Për zonën në fjalë ekziston një Vendim i Këshillit të Ministrave (VKM) përkatësisht : VENDIM Nr. 580, datë 6.10.2021 PËR SHPRONËSIMIN PËR INTERES PUBLIK, NË FUNKSION TË PROCESIT TË RINDËRTIMIT PËR ZHVILLIMIN E ZONËS SË RE, NË PËRPUTHJE ME PLANIN E DETYRUAR VENDOR, PËRMES KOMPENSIMIT ME SHKËMBIM, PËR TË GJITHA PASURITË QË PREKEN NGA REALIZIMI I PROJEKTIT “PËR ZONËN E RE PËR ZHVILLIM NË NJËSINË ADMINISTRATIVE NR. 6, ZONA ‘KOMBINAT’, BASHKIA TIRANË”, i cili përfshin mbi 600 familje që presin trajtim sipas procedurave ligjore të shpronësimit.
• Nuk ka asnjë fakt apo provë që mbështet pretendimet për përfshirje të zyrtarëve të IMT në ndonjë formë korrupsioni apo kërkesë për përfitime financiare, siç pretendohet në mënyrë të pabazuar në artikull.
• Gjithashtu, IMT, përmes Drejtorisë së Koordinimit të Projekteve, ka bërë kallëzim penal pranë Komisariatit të Policisë nr. 6, më datë 04.10.2025, kundrejt shtetasit me inicialet S.S. në lidhje me pretendimet e tij të pavërteta.
Ftojmë të gjithë qytetarët dhe median që, për informacione të sakta, të referohen burimeve zyrtare dhe të mos bien pre e manipulimeve apo dezinformatave që dëmtojnë interesin publik dhe proceset ligjore në vijim.
