Pas grumbullimit në sheshin “Skënderbej”, protestuesit kanë nisur marshimin drejt Kryeministrisë, duke vijuar protestën kun...
AKTUALITET
Fara susami me Aflaktoksinë B1 nga Bolivia! Ja kush e importoi, ripaketoi e hodhi në treg
PiranjatPërditësimi i fundit 7 Shkurt 2026, 19:26
Konsumoni fara susami që gjenden ne buke apo prodhime te tjera? Ose dhe në sallata? Ju ndodh që janë dhe me Aflaktoksinë. Teksa flasim për këtë të fundit, ashtu siç Qendra ALERT e ka ngritur si shqetësim shumë herë, ajo nuk gjendet vetëm në ushqim për kafshë apo në qumësht, por edhe ne fruta të thata që në i gjejmë në cdo market apo treg.
Rasti i fundit i ALERT ka të bëjë me një ngarkesë të kompanisë “Neranxi” me fara susami të importuar, me origjinë nga Bolivia në fillim te muajit dhjetor, pas analizave të kryera për këtë produkt në Holandë, vend tjetër ky ku ishte eksportuar. Më pas, më 22 dhjetor 2025, RASFF i Komisionit Europian ka publikuar Alert-in ku sipas njoftimit, ka rezultuar me nivele shumë të larta të aflatoksinës B1.
Më pas, javen e parë të janarit është njoftuar zyrtarisht AKU, pra Shqipëria, si një prej vendeve që e ka importuar këtë produkt.
Qendra ALERT ka mundur të mësojë se, kompania importuese është Neranxi, e cila sasinë e importit të farave të susamit prej 300 kg. e ka ripaketuar në paketa më të vogla dhe e ka nxjerrë në treg, në rrjetin e dyqaneve të tij, por ndoshta ëdhe në markete të tjera. Për këtë arsye, mësohet se shumica e sasisë ishte shitur në kohën ku ka mbërritur ALERT në AKU dhe një sasi mjaft e vogël është konstatuar gjëndje.
Ndërkohë, AKU, në njoftimin e vet zyrtar, por edhe Qendra ALERT kërkojnë nga konsumatorët që nëse e gjejnë këtë produkt në markete, apo e kanë në shtëpi, të mos e konsumojnë, sipas numrit të lotit që e gjeni më poshte. Njëherësh, gjeni të plotë dhe njoftimin e AKU.
Njoftimi i AKU:
“Në vijim të njoftimit ALERT, Shqipëria njoftohet nga sistemi RASSF ( RAPID ALERT SYSTEM FOR FOOD AND FEED) ku pas kontrolleve të kryera nga Holanda, është konstatuar “Aflatoksinë në fara susami të zeza me origjinë nga Bolivia” duke përbërë risk potencial për shëndetin e njeriut.
PËRSHKRIMI I PRODUKTIT:
Emri i produktit në etiketë: Natural Black Sesame Seeds non EU origin bag 25 kg (Fara susami të zeza natyrale, origjinë jo-BE në paketim 25 kg).
LOT: LO210100001
AKU pas kryerjes së kontrolleve dhe ndjekjes së gjurmueshmërisë ka bllokuar sasinë gjendje të produktit me destinacion asgjësimin. AKU i bën thirrje konsumatorëve nëse e kanë blerë këtë produkt dhe e kanë në gjendje, ta kthejnë atë në pikat e shitjes. AKU për këtë rast ka bërë njoftimin përkatës pranë kategorisë së Njoftimeve RASFF”./alert
