Fermerët e Korçës takim me Denaj, ministrja nuk komentoi skandalin e dosjes IPARD

Denaj

KORÇË- Pas protestave të shumta, Ministria e Bujqësisë ka arritur të zhvillojë një takim me fermerët e Korçës. Ministrja Denaj u përqendrua tek projeksioni afatgjatë i politikave të qeverisë për bujqësinë, por refuzoi të komentojë në lidhje me skandalin e dosjes së IPARD.

Takimi u mbyll pa arritur të jepet një zgjidhje konkrete për shqetësimin e fermerëve. Protestat e fermerëve të Korçës për shkak të prodhimit të pashitur dhe konkurrencës nga importi kanë mobilizuar Ministrinë e Bujqësisë për të zhvilluar një takim por pa mundur të jepet një zgjidhje konkrete për shqetësimin e tyre.

Ministrja e Bujqësisë Anila Denaj, përfaqësues të ministrisë, institucioneve vendore dhe pushtetit lokal kanë zhvilluar një takim me fermerët e Maliqit duke ofruar si alternativë formalizimin e fermerëve dhe bashkimin e tyre çka sipas ministres do ti ndihmojë ata të ulin kostot e prodhimit dhe të behën konkurues në treg.

Përballë fermerëve të cilët nuk po arrijnë dot të shesin prodhimin, ministrja u përqëndrua tek projeksioni afatgjatë i politikave të qeverisë për bujqësinë ndërsa refuzoi të komentojë në lidhje me skandalin e dosjes së IPARD duke thënë se qëndrimin e saj e ka bërë publik në Kuvendin e Shqipërisë.

Sipas ministres Denaj as mallrat bujqësore që vijnë nga importi dhe as monopolizimi i tregjeve nuk janë diçka që lidhen me problematikën e prodhimeve bujqësore të mbetura stok duke e lënë përgjegjësinë e situatës tek mungesa e formalizimit dhe bashkimit te fermerëve./ Syri.net

fermere korce denajj