Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
AKTUALITET
Festa e Pashkëve/ Monsignor Simon Kulli uron besimtarët: Dua t'iu uroj paqen e Krishtit secilit prej jush! Ngjallja nuk vjen pas kryqit, ajo gjendet aty brenda në Kryq
m.lPërditësimi i fundit 19 Prill 2025, 14:39
TIRANË- Në vigjilje të këtyre Pashkëve, Monsignor Simon Kulli i dioqezës së Sapës, ka uruar të gjithë besimtarët Pashkë të gëzuara dhe të bekuara. Përmes një fjalimi ai shprehet se në këtë botë në jemi thirrur për të dëshmuar jetën e cila rrezaton me zemërgjerësi dhe dashuri pa interes. Simon Kulli tha se Jezu krishti është modeli i jetës dhe veprimtarisë tonë.
"Të dashur besimtarë të i dioqezës së Sapës, të dashur emigrantë kudo që ndodheni në mbarë botën. Me rastin e festës së madhe së Pashkëve dua të uroj paqen e Krishtit secilin prej jush. Ngallja e Krishtit është ngjarje thelbësore e Krishtërimit. Ngjallja nuk vjen pas kryqit, ajo gjendet aty brenda në Kryq, kur pranojmë atë lirisht si Jezu Krishti nga dashuria për Hyjin dhe të afërmit tonë.
Me ngjalljen e Krishtit drejtësia dhe dashuria e Hyjit morën shprehjen e tyre më triumfale duke shfuqizuar pushtetin e urrejtjes, të keqes dhe vdekjes. Rruga e Pashkëve është rruga e vuajtjes e mundimeve dhe lotëve-por lotëve që kthehen në lot gëzimi. Porosia e gëzueshme e Ungjillit të Pashkëve ia rikthen njeriut identitetin dhe ia jep kuptimin e ekzistencës së tij dhe e përmbush me jetë. Ne jemi thirrur ta dëshmojmë Krishtin e munduar, Kryqëzuar dhe të ngjallur për dobitë tona, për të mirën e vërtetë dhe të përjetshmen e të gjithë njerëzve. Jemi të thirrur për të dëshmuar jetën e cila rrezaton me zemërgjerësi dhe dashuri pa interes.
Jezu Krishti është modeli i jetës dhe veprimtarisë sonë. Le të bëhemi dëshmitar të gjallë të tij plot me vuajtje. Ai e mundi vdekjen dhe të keqen njëherë e përgjithmonë. Krishti i ngjallur ju dhuroftë gjithmonë paqe dhe iu mbushtë zemrat me gëzime dhe bekime. Për shumë vjet Pashkët e gëzuar dhe Zoti ju bekoftë", shprehet Monsignor Simon Kulli.
