Fitimi i sektorit bankar ra me 15% për tremujorin e parë të vitit

TIRANË- Të dhënat e para të publikuara nga Shoqata Shqiptare e Bankave tregojnë se fitimi neto i sektorit bankar ka pësuar rënie në tremujorin e parë të vitit. Mbështetur në raportimet e paaudituara të bankave tregtare, sipas Standardeve Ndërkombëtare të Raportimit Financiar (IFRS), fitimi neto i sektorit për 3-mujorin 2025 kishte vlerën e 8.35 miliardë lekëve, në rënie me 15% krahasuar me të njëjtën periudhë të një viti më parë.

Rënia e normave të interesit në Lekë dhe në Euro duket se ka filluar të japë efektet e para në një korrigjim në ulje të fitimeve të sektorit bankar në vend. Ky efekt është i dukshëm për të gjitha bankat e sektorit, që, pa përjashtim, kanë raportuar fitime më të ulëta krahasuar me 3-mujorin e parë të vitit të kaluar.

Bankat qendrore vitin e kaluar nisën uljen e normave të interesit dhe kjo është reflektuar në kthimet prej instrumenteve ku bankat investojnë asetet e tyre.

Treguesi kryesor benchmark për Euron, Euribori 12-mujor, aktualisht ka zbritur pranë nivelit të 2%, nga pothuajse 3.7% që ishte një vit më parë. Ndërsa yield-i mesatar i bonove 12-mujore në Lekë ka rënë në 2.78%, nga 3.66% që kishte qenë një vit më parë. Rënia e treguesve benchmark përcillet direkt në normat e kredive me norma të ndryshueshme interesi të bankave tregtare.

Banka më e madhe në vend, BKT, edhe në tremujorin e parë kryeson renditjen e fitimeve, me një vlerë prej 2.35 miliardë lekësh, por në rënie me 6.2% krahasuar me tremujorin e parë të vitit të kaluar.

Vijon Raiffeisen Bank, me fitim neto në vlerën e afërsisht 2 miliardë lekëve (në rënie vjetore me 7.4%), OTP Albania, me 1.17 miliardë lekë (13.5% më pak krahasuar me të njëjtën periudhë të një viti më parë), Intesa Sanpaolo, me 758 milionë lekë (19.5% më pak krahasuar me tremujorin I 2024), Banka Amerikane e Investimeve (ABI Bank), me 638 milionë lekë (5.2% më pak krahasuar me një vit mëe parë), Tirana Bank, me 667 milionë lekë (5.8% më pak krahasuar me një vit më parë), Credins Bank, me 371 milionë lekë (31.8% më pak krahasuar me një vit më parë), Union Bank, me 324 milionë lekë (33.7% më pak krahasuar me një vit më parë), Banka e Parë e Investimeve (Fibank), me 258 milionë lekë (19.9% më pak krahasuar me një vit më parë), ProCredit Bank, me 2 milionë lekë (95.7% më pak se një vit më parë).

Banka e Bashkuar e Shqipërisë (UBA) e ka mbyllur tremujorin e parë të viti me humbje, në vlerën e 198 milionë lekëve, ndërsa një vit më parë raportonte fitim neto për 85 milionë lekë. Megjithatë, raportimet e UBA në të dyja rastet janë bërë sipas standardeve lokale të mbikëqyrjes, të Bankës së Shqipërisë dhe jo sipas IFRS-ve.

Për sa i takon kthimit nga kapitali aksioner, renditja kryesohet nga Raiffeisen Bank, me 24.46%, e ndjekur nga ABI Bank, me 20.53%, BKT, me 17.83%, OTP Albania, me 17.12%, Tirana Bank, me 16.28%, Fibank, me 15.1%, Union Bank, me 13.68%, Intesa Sanpaolo, me 13.08%, Credins Bank, me 5.94%, ProCredit Bank, me 0.2% dhe UBA, me -19.77%./ Monitor

Artikuj te sugjeruar

n.f AKTUALITET 9 Maj08:29

Kthjellime dhe vranësira, parashikimi i motit për sot

TIRANË- Një mase ajrore e freskët dhe e lagësht me origjinë Veriperëndimore do të sjellë në territorin shqiptar k...

m.l AKTUALITET 8 Maj20:31

Zgjidhet Papa i ri/ Presidenti i KISH uron kreun e Kishës Katolike: Ne e falenderojmë Zotin dhe i lutemi që Papa të ketë ndihmën dhe mbrojtjen e Hyjit e të Zojës së Këshillit të mirë

TIRANË- Presidenti i Konferecës Ipeshkvore të Shqipërisë, Dom Gjergj Meta ka uruar Papën e ri të Vatikanit, Leoni XIV ...

m.l AKTUALITET 8 Maj20:16

Detaje nga kontrollet e BKH në Shkodër për krime zgjedhore/ Sekuestrohen para, 7 celularë, tollona karburanti e lista emrash

SHKODËR- Agjentët e BKH-së në bashkëpunim me SPAK kanë kryer fazën  eparë të operacionit të koduar...

M.B. AKTUALITET 8 Maj16:49

Krkimet për Ardit Beshirin në Klos/ Ministria e Mbrojtjes: Terreni shumë i vështirë për ndërhyrje, janë futur 2 ekskavatorë për gërmim

KLOS- Trupi i Ardit Beshirit vijon të jetë ende nën inertet e kromit në zonën e Qafë-Burrelit në Mat, prej mesditë...

m.l AKTUALITET 8 Maj16:36

Kolegji i Posaçëm i Apelimit rrëzon KPK-në, shkarkon nga detyra prokurorin e Tiranës Afrim Shehu

TIRANË- Kolegji i Posaçëm i Apelimit (KPA) ka vendosur unanimisht sot shkarkimin nga detyra të prokurorit të Tiranës ...

E.D AKTUALITET 8 Maj16:35

Sherr mes dy personave në Selanik, shqiptari qëllon me armë zjarri

GREQI- Të shtëna me armë zjarri ka ndodhur në Greqi, pas një sherri. Sipas mediave të huaja është identifikuar sh...

m.l AKTUALITET 8 Maj16:25

Kolegji i Posaçëm i Apelimit lë në fuqi vendimin për shkarkimin e prokurorit të Elbasanit, Alfred Sali

TIRANË- Kolegji i Posaçëm i Apelimit (KPA) la sot në fuqi vendimin e dhënë nga Komisioni i Pavarur i Kualifikimit për shk...

m.l AKTUALITET 8 Maj16:05

Gjykata e Posaçme e Apelit shtyn për në 14 maj shqyrtimin e ankimit të SPAK për çështjen Xhaçka–Gaçi, shkak mungesa e kallëzuesit Fredi Beleri

TIRANË- Gjykata e Posaçme e Apelit ka shtyrë për më 14 maj seancën mbi shqyrtimin e ankimit të SPAK mbi vendimi...

E.D AKTUALITET 8 Maj16:01

Policia greke ‘zbarkon’ në burgun e Nafplios/ Kontrollohet qelia e 3 shqiptarëve të rrezikshëm, dyshohet për mbajtje të sendeve të paligjshme(EMRAT)

GREQI- Autoritetet greke kanë kryer kontrolle në një qeli të tre të burgosurve shqiptarë në burgun e Nafplios, pas informac...

M.B. AKTUALITET 8 Maj15:42

Vrasja në Has/ Dhunoi prindërit e Ylber Jakut, lihet në "arrest shtëpie" Artjola Sallahu, motra e viktimës së djeshme

HAS- Gjykata ka lënë nën masën "arrest shtëpie" Artjola Sallahu, motra e viktimës së djeshme në Has. Një vra...