Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
“E heqim snajperin për 10 mijë euro” – Telefonatat zbulojnë grupin e trafikut të armëve (EMRAT)
PiranjatPërditësimi i fundit 4 Tetor 2025, 12:12
Arrestimi i Roseljo Arifit, Jurgen Sucës dhe Segest Meti dy javë më parë po e çoi Policinë e Shtetit në zbulimin e një grupi kriminal qe merret me trafikun e armëve të zjarrit. Sipas Ora news nga ana e hetuesve është bërë e mundur hapja e telefonit ku janë zbuluar disa biseda në rrjetin Signal.
Efektivët e policisë kanë zbuluar se bisedat kishin të bënin me shitjen e armëve të zjarrit nga pistoleta turke deri të një armë e kalibrit të madh siç është snjaper.
I njejtin burim policor bën më dije se komunikimi ishte kryer nga nje prej personave të arrestuar me një shtetas për të cilin e kishte të shënuar me germen N. Ky I fundit interesohet për shitjen e snjaperit me vlerën e 12 mije euro.
N: A po flet me ken me hek i sniper 10 mije euro thuju, 12 ti, 10 ma japin mu
x……Po pyes Naken, A kena naj foto a gja me ja tregu
Burime nga policia bëjnë me dije se janë gjetur edhe video të ndryshme të armëve për të cilën shpërndahen me qëllim për ta tregtuar. Deri më tani sipas burimeve po hetohen kontakte që janë gjetur në bisedat telefonike. Grupi në fjalë u godit dy javë më parë ku nëpërmjet linjës së autobuseve po tentonin të trafikonin një armë pistoletë e cila ishte çmontuar dhe futur brenda një televizori.
Sipas burimeve dyshimet u krijuan nga vetë shoferi i autobusit e ndërsa besohet së për rrugën e tij deri në Londër do të paguhej 100 paund. Ndërkohë po punohet edhe me autoritetet e Britanisë së Madhe më qëllim zbulimin e porositësit për të cilën policia shqiptare ka arritur në identifikim e tij paraprak.
