FOTO/ Atentati me eksploziv në Elbasan i mori jetën 24-vjeçarit që po e vendoste lëndën në një automjet, ja pamjet nga vendi i ngjarjes

ELBASAN- Pamjet e mësipërme tregojnë vendin e ngjarjes ku ndodhi shpërthimi me eksploziv që i mori jetën 24-vjeçarit në Elbasan. Ngjarja e rëndë ka ndodhur rreth orës 04:10 nga ku mësohet se një 24-vjeçar ka humbur jetën pasi i shpërtheu lënda plasëse që po vendoste në një automjet në lagjen “Shënkoll”. Bëhet me dije se i riu po vendoste eksplozivin në automjetin tip “Volkswagen”, në pronësi të shtetasit me iniciale R. Ç.

Teksa kryente këtë "proces", lënda plasëse i ka shpërthyer dhe 24-vjeçari ka mbetur i dëmtuar. Ai është transportuar në spital dhe ka humbur jetën si pasojë e plagëve të marra. Ndërkohë, grupi hetimor po punon për zbardhjen e ngjarjes.

NJOFTIMI:

Rreth orës 04:10, në lagjen "Shënkoll", dyshohet se një shtetas rreth 24 vjeç, duke vendosur lëndë eksplozive në automjetin tip "Volkswagen", në pronësi të shtetasit R. Ç., lënda eksplozive ka shpërthyer dhe për pasojë 24 vjeçari është dëmtuar dhe transportuar në spital. Si pasojë e plagëve të marra 24-vjeçari ka humbur jetën në spital.

Është ngritur një grup i posaçëm hetimor me specialistë për Hetimin e Krimeve të Rënda të Drejtorisë Vendore të Policisë Elbasan dhe Departamentit të Policisë Kriminale në drejtimin e Prokurorisë, vijojnë punën për zbardhjen e ngjarjes.

elbasan