Pedagogu Aleksandër Kovaçi tha para derës së kryeminsitrisë se nuk do të ketë dilaog me Ramë...
AKTUALITET
FOTO/ Marrëveshja për emigrantët, aktivistë të shoqërisë civile, protestë para portit të Shëngjinit
M.B.Përditësimi i fundit 1 Dhjetor 2024, 13:20
LEZHA- Aktivistë të shoqërisë civile nga Italia dhe Shqipëria kanë protestuar kundër dhunimit të të drejtave të njeriut ndaj emigrantëve të ndaluar në brigjet italiane për t'i dërguar në kampet në Shqipëri në bazë të marrëveshjes Meloni-Rama. Protestuesit u mblodhën para portit të Shëngjinit teksa raportohet se kapatur dhe prezencë të shtuar të policisë. Kjo protestë vjen pas mbërritjes së dy grupeve të emigrantëve në Shqipëri të cilët u rikthyen pasi gjykata italiane rrezoi në të dyja rastet vendimin e qeverisë Meloni.
Duket se Roma zyrtare po has vështirësi për marrëveshjen për emigrantët, në lidhje me dërgimin e tyre në qendrën e pritjes dhe më tej të izolimit në Shëngjin dhe Gjadër. Të dy grupet që u dërguan në muajt tetor dhe nëntor u rikthyen pas vendimeve të Gjykatës italiane dhe problemeve me paditë e hapura deri në gjykatat europiane. Kryeministrja italiane Giorgia Meloni gjithsesi shprehet e vendosur t’i shkojë deri në fund paktit qeveritar me kryeministrin Edi Rama.
Po ashtu mediat italiane shkruajnë se për qeverinë Meloni mënyra sesi po shkojnë procedurat dhe përplasja me drejtësinë për listën e vendeve të sigurta, është 'më mirë' që të përmbyllet me një përplasje midis Romës dhe Brukselit. Reagimi i parë i qeverisë Meloni pas rastit të fundit të emigrantëve që u dërguan në Shqipëri dhe që “u detyruan” nga një vendim gjykate të kthehen në Itali, ishte i menjëhershëm teksa u shprehen të bindur se gjykatësit janë gabim.
