FOTO+EMRI/ Iu sekuestruan pasuri të paluajtshme dhe llogari bankare, zbardhet identiteti i 36-vjeçarit në Fier, dyshohet se i ka fituar nga veprimtari kriminale

Arbër Muça

FIER- Detaje të reja janë zbardhur në lidhje me sekuestrimin e pasurive të një 36-vjeçari në Fier. Mësohet se Arbër Muça është 36-vjeçari të cilit i janë sekuestruar nga policia pasuri të paluajtshme dhe llogari bankare. Këto sekuestrime kanë ardhur pasi dyshohet se ato janë përfituar nga veprimtari kriminale. 

Sipas njoftimit të policisë 36-vjeçari dyshohet se i ka përfituar këto pasuri nga veprimtaritë kriminale në fushën e narkotikëve, të kryera jashtë Shqipërisë. Më tej bëhet me dije se janë sekuestruar toka, apartament si dhe automjete e dy llogari bankare me rreth 120 mijë euro. Konkretisht atij i janë sekuestruar pasuritë:

•2 sipëfaqe toke arë, në total 6831 m2, në Fier;
•3 sipërfaqe toke truall, në total 630 m2, në Fier;
•njësi shërbimi me sipërfaqe 200 m2, në Fier;
•njësi 2 kate me sipërfaqe 625 m2, në Fier;
•njësi me sipërfaqe 100 m2, në Fier;
•apartament me sipërfaqe 127 m2, në Tiranë;
•1 vendparkim në Tiranë;
•12 automjete;
•2 llogari bankare me vlerë rreth 120 000 euro.

arbër muça sekuestrim pasurie