Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
AKTUALITET
FOTO+EMRI/ Vendosi eksploziv pranë një lokali në Vlorë disa ditë më parë, ja kush është 28-vjeçari i arrestuar
M.B.Përditësimi i fundit 12 Dhjetor 2024, 09:27
VLORA- Personi në foto është Beqir Selamaj alias Beqir Murati i cili u arrestua nga pasi më datën 8 dhjetor i vuri tritolin një lokali tek ‘Uji i Ftohtë’.
28-vjeçari u ndalua dhe iu sekuestruan dy celularë, një biçikletë dhe veshjet e përdorura gjatë ngjarjes së 8 dhjetorit. Ai është i njohur për drejtësinë, pasi më parë është arrestuar për vjedhje, ndërsa ka precedent penalë edhe në fushën e narkotikëve.
Njoftim:
Shërbimet e Komisariatit të Policisë Vlorë, në bashkëpunim me strukturat e Drejtorisë Vendore të Policisë Vlorë dhe nën drejtimin e Prokurorisë pranë Gjykatës së Shkallës së Parë Vlorë, përmes një pune të thelluar hetimore dhe profesionale, finalizuan operacionin e koduar “DANGER”.
Bazuar në veprimet intensive hetimore dhe dokumentimin me prova ligjore, u bë i mundur ndalimi i shtetasit B. S. alias B. M, 28 vjeç, banues në lagjen “Isa Boletini” dhe me precedentë penalë në fushën e narkotikëve dhe vjedhjes së pasurisë.
Nga hetimet rezulton se ky shtetas dyshohet të jetë autor i vendosjes së lëndës eksplozive më datë 08.12.2024, rreth orës 05:50, në një lokal, në lagjen “Uji i Ftohtë”, në pronësi të shtetases R. B., 73 vjeçe, ku si pasojë e shpërthimit janë shkaktuar dëme të konsiderueshme materiale.
Gjatë operacionit, përmes veprimeve të koordinuara dhe mbështetura në prova shkencore, u sekuestruan në cilësinë e provave materiale dy telefona celular, një biçikletë dhe veshjet e përdorura gjatë ngjarjes.
Vijojnë hetimet për identifikimin dhe ndalimin e personave të tjerë të përfshirë në këtë veprimtari kriminale.
Materialet procedurale, iu referuan Prokurorisë për veprat penale “Shkatërrimi i pronës me eksploziv” dhe “Mbajtja pa leje e armëve dhe municioneve luftarake”.
