Protesta e studentëve në Universitetin “Aleksandër Moisiu” në Durrës është shfaqur edhe në ambientet e kam...
AKTUALITET
FOTOLAJM/ Publikohet fotoja, momenti kur autori i dyshuar i vrasjes së biznesmenit largohet me motor
PiranjatPërditësimi i fundit 19 Prill 2023, 22:58
Piranjat ka siguruar një foto, që dyshohet se mund të jetë e autorit të vrasjes së biznesmenit në Shëngjin, Ardian Nikulaj.
Në foton, shihet një person, identik me atë që u shfaq më herët brenda lokalit ku u vra biznesmeni.
Personi shihet i veshur me uniforme policie, me skafandër në kokë, i cili largohet me motor.
Edhe nga hetimet e para rezulton se autori, pasi ka kryer krimin është larguar nga vendi i ngjarjes me motor.
Ardian Nikulaj ka qenë i ulur brenda ambienteve të lokalit të tij, ku edhe po konsumonte një kafe, kur është afruar një person i veshur si polic, në kokë kishte edhe një skafandër, ndërsa mbante edhe një maskë anticovid.
Autori është futur nga dera e pasme e lokalit, ka qëlluar 7 herë ndaj Nikulajt dhe më pas është larguar përsëri nga dera e pasme.
Nga hetimet e deritanishme rezulton se autori ka qenë i mirinformuar për mënyrën si do të kryente krimin.
Ai dyshohet se është ndihmuar edhe nga persona të tjerë, të cilët i kanë dhënë edhe informacione se ku ndodhej biznesmeni.
Pas vrasjes ai është larguar me motor dhe vazhdon të jetë në arrati.
