Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
AKTUALITET
Fshehu 177 steka me cigare për t’iu shmangur detyrimeve doganore, arrestohet 28-vjeçari në Portin e Durrësit
n.fPërditësimi i fundit 28 Prill 2025, 11:38
DURRËS- Një 28-vjeçar është vënë në pranga në Portin e Durrësit. Arrestimi i tij ka ardhur pasi i riu ka tentuar të fshehë paketa me cigare për t’iu shmangur detyrimeve doganore.
Policia bën me dije se i arrestuari kishte fshehur në furgon 177 steka me cigare. Stekat u sekuestruan në cilësinë e provës materiale, bashkë me furgonin. Materialet procedurale i kaluan Prokurorisë Durrës për veprime të mëtejshme.
Port Durrës/ Policia Kufitare godet një rast të tentativës për të kontrabanduar mallra për të cilat paguhet akcizë. Kishte fshehur në furgon, 177 steka me cigare, arrestohet në flagrancë në dalje të RSH-së, 28-vjeçari.
Sekuestrohen stekat dhe furgoni. Policia Kufitare e portit të Durrësit, në vijim të goditjeve ndaj krimeve ndërkufitare, si rezultat i intensifikimit të kontrolleve, analizës së riskut dhe inteligjencës policore, ka goditur në bashkëpunim me autoritetet doganore të portit, një rast të tentativës për të kontrabanduar mallra.
Për këtë rast, u arrestua në flagrancë shtetasi R. S., 28 vjeç, banues në Kukës, për veprën penale “Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës”.
Në dalje të RSh-së, gjatë kontrollit të detajuar në furgonin e shtetasit R. S., u gjetën 177 steka me paketa me cigare, të cilat ai i kishte fshehur për t’iu shmangur detyrimeve doganore. Stekat u sekuestruan në cilësinë e provës materiale, bashkë me furgonin. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
