Sot vendi ynë do të jetë nën ndikimin e masave ajrore relativisht të qëndrueshme dhe të nxehta.
Moti parashikohet kryesish...
AKTUALITET
Genti Meçaj i kaloi orët e fundit në spital, nëna e ish-drejtorit të ALUIZNI-t vargje rrëqethëse: O Zot, ti e di sa shumë e kam dashur këtë djalë
PiranjatPërditësimi i fundit 18 Mars 2026, 18:30
Gentian Meçaj, ish-shef sektori në Drejtorinë e ALUIZNI-t, ka ndërruar jetë pak ditë më parë. Orët e tij të fundit kanë qenë të vështira dhe familja e të gjithë të njohurit janë lutur për shëndetin e Gentit, i cili fatkeqësisht e humbi betejën për jetën.
44 vjeçari ishte baba i tre djemve të mitur, të cilët në këto çaste të vështira janë të rrethuar nga dashuria e nënës dhe gjithë familjes. Newsbomb.al ka siguruar disa vargje rrëqethëse që nëna e Gentit, Donika i ka drejtuar Zotit, kur i biri ishte ende në duart e mjekëve.
Njoftimi mortor:
Me zemrën e thyer të një nëne dhe me besimin se diçka do të ndryshonte, ajo ka besuar deri në fund se Genti d'o t'ia dilte. Fatkeqësisht, ish-shefi i sektorit në Drejtorinë e ALUIZNI-t, ka ndërruar jetë duke tronditur familjen, miqtë dhe kolegët.
Zot i dashurisë dhe i mëshirës, po vij sot para Teje si një nënë me zemër të thyer, por me besim tek Ti.
Ti ma dhurove Gentin si bekim, Ti e njeh që para se të lindte, Ti i njeh ditët e Tij dhe çdo frymëmarrje të Tij.
Zot, Ti që thua: "Unë jam Zoti që të shëron", vendose dorën Tënde të fuqishme mbi birin tim.
Shëroje trupin e tij, forcoje pas operacionit, jepi rimëkëmbje të plotë dhe të shpejtë.
Nëse rikuperimi është i ngadalshëm, më jep durim dhe atij jepi forcë.
Mos lejo që frika të zërë vend në zemrat tona, por mbushi me paqen që vetëm Ti jep.
O Jezus, ndalu pranë meje sot.
Ti e di sa shumë e kam dashur dhe rritur këtë djalë, si e kam ushqyer me trupin tim, si kam mbajtur në krahë jo vetëm Gentin, por edhe Kroianin, duke i rritur të dy me të njëjtën dashuri që Ti vendose në zemrën time.
O Zot, Ti e sheh sakrificën e një nëne.
Mos e lër këtë zemër të thyhet. Mbuloje Gentin me mëshirën Tënde shëruese, rrethoje me engjëjt te Tu në atë dhomë spitali, udhëhiq duart e mjekëve dhe vendimet e tyre.
Ti je forca ime kur jam e dobët. Ti je shpresa ime kur errësohet mendja. Në duart e Tua e dorëzoj birin tim.
Mos lejo që zemra ime të lëkundet, O Zot, por më udhëhiq çdo ditë drejt besimit të plotë te Ty. Amen.
