Gazetari Julian Hoxhaj ka reaguar pasi emri i tij dhe emisioni “Plug”, pjesë e Syri TV, janë përmendur në një audiopë...
AKTUALITET
GJKKO pezulloi Ballukun, vjen reagimi i parë nga PD, Salianji: Rama të japë dorëheqjen
PiranjatPërditësimi i fundit 20 Nëntor 2025, 12:22
Pak pasi GJKKO pezulloi sot nga detyra Belinda Ballukun, duke i kërkuar të dalë menjëherë nga zyra, ka ardhur reagimi i parë nga PD.
Anëtari i Kryesisë së PD, Ervin Salianji shprehet përmes një reagimi se duhet të japë dorëheqje kryeministri Edi Rama, për t’i hapur rrugë një qeverie tranzitore e cila të organizojë zgjedhje të lira.
Salianji thekson se korrupsioni galopant, abuzimet e përditshme dhe kapja e institucioneve kanë sjellë rrënimin e shtetit.
“Koha për ndryshim ka ardhur dhe hapi i parë është dorëheqja e Edi Ramës dhe krijimi i një qeverie tranzitore që i kthen vendit besimin dhe demokracinë!”, thekson ish-deputeti demokrat.
Postimi i Salianjit
Edi Rama duhet të japë dorëheqjen!
Shqipëria ka nevojë urgjente për një qeveri tranzitore që të garantojë brenda pak kohësh zgjedhje të lira, të ndershme dhe me standarde evropiane.
Korrupsioni galopant, abuzimet e përditshme dhe kapja e institucioneve kanë çuar në rrënimin e shtetit. Goditjet e fundit nga drejtësia ndaj njerëzve më të fuqishëm të pushtetit nuk janë surprizë për askënd, janë provë e qartë e asaj që kemi thënë prej vitesh, qeveria është kalbëzuar në çdo qelizë.
Edi Rama është shndërruar në pengesën kryesore të Shqipërisë, në simbolin e një sistemi të korruptuar që prodhon padrejtësi, pabarazi dhe varfëri.
Ai është sot e keqja e Shqipërisë.
Koha për ndryshim ka ardhur dhe hapi i parë është dorëheqja e Edi Ramës dhe krijimi i një qeverie tranzitore që i kthen vendit besimin dhe demokracinë!
