Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
AKTUALITET
Goditi me thikë në zemër Martin Canin dhe la të plagosur shokun e tij, mbahet sot seanca gjyqësore për 14-vjeçarin
r.llPërditësimi i fundit 22 Nëntor 2024, 08:29
autori dhe viktima
TIRANË- Seanca gjyqësore për caktimin e masës së sigurisë ndaj të miturit që vrau 14-vjeçarin Martin Cani, do të zhvillohet ditën e sotme në orën 09:30. 14-vjeçari, Mario Perlleshaj është arrestuar nën akuzën “Vrasja me dashje e kryer ndaj të miturit” dhe “Prodhimi, mbajtja, blerja apo shitja pa leje e armëve të ftohta”. Autori i dyshuar u transferua ditën e djeshme nga një spital privat ku po trajtohet për plagët e marra gjatë sherrit, në qelitë e paraburgimit.
Sipas policisë për marrjen në pyetje të të miturve ka disa rregulla të posaçme ndërsa theksojnë se dëshmia nuk mund të merret në spital. Sipas policisë të miturit i janë marrë disa të dhëna në moment të parë pas ngjarjes për identifikimin e personave të përfshirë në konflikt, që lejohet nga kodi procedurës.
Ngjarja tragjike që tronditi Shqipërinë dhe mbarë opinionin publik ndodhi mesditën e 18 nëntorit, ku një 14-vjeçar u vra me thikë dhe një tjetër u plagos nga një bashkëmoshatar i tyre. Ngjarja ndodhi pak metra larg shkollës 9-vjeçare “Fan Noli”, ku pas një sherri që dyshohet se kishte nisur disa ditë më parë, një 14-vjeçar, i arrestuar tashmë, ka goditur disa herë me thikë Martin Canin, plagë të cilat i morën jetën.
Ndërkohë, në rrjetet sociale kanë qarkulluar foto dhe video edhe të autorit të dyshuar para dhe pas ngjarjes. Ai vetëm një ditë para se të kryente krimin, kishte publikuar një video ku tregonte thikën. Ndërsa ditën e ngjarjes, vetëm pak minuta pasi kishte ndodhur, autori kishte publikuar po ashtu një tjetër foto në 'Snapchat' ku tregonte sipas tij 'triumf', me grushtin lart dhe dorën tjetër të gjakosur.
