Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
AKTUALITET
“GoFoundMe” për Elvis Shkambin/ Flet avokati i autorit të vrasjes së gjyqtarit Kalaja: Ja motivi
PiranjatPërditësimi i fundit 15 Tetor 2025, 17:31
Avokati i Elvis Shkambit, Kujtim Ibraj ka four për herë të parë për hapjen e një llogarie ‘GoFoundMe’ për klientin e tij. Ai shprehet se nuk ka folur me Elvis Shkambin në lidhje me këtë gjë, ndërsa shtoi se beson që llogaria është hapur për të ndihmuar familjen Shkambi në përditshmërinë e tyre dhe detyrimet që kanë.
Keni kërkuar informacion për GoFund që është hapur për klientin tuaj?
Ibraj: Nuk kam asnjë dijeni për këtë pjesë, i përket familjarëve të tij. Gjëja e fundit që më ka rënë në mendje është ajo e interesit financiar. Familja Shkambi nuk është në kushte të mira ekonomike, se po të ishte, mbase nuk do të kishte ndodhur kjo që ndodhi. Besoj se GoFund u hap për të ndihmuar familjen Shkambi në përditshmërinë e tyre, detyrimet. Mos harrojmë që kanë djalin, xhaxhain në burg, si dhe xhaxhin tjetër.
Nga ana personale, është e vështirë të jeni avokat i një personi që ka qëlluar mbi drejtësinë?
Ibraj: Për hir të së vërtetës ka shumë ngarkesë të madhe emocionale, është shumë e rëndë. Ne përballemi përditë me prokurorë dhe gjyqtarë, të cilët ne punojmë në gjykata. Është një ngjarje e pajustifikueshme, por është një rast me ngarkesë të madhe emocionale. Opinioni publik ndahet në dy pjesë për këtë ngjarje.
