Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
Grupet kriminale shqiptare me mbi 11 milionë euro pasuri në kriptovaluta, shteti s'i sekuestron dot
PiranjatPërditësimi i fundit 14 Tetor 2025, 19:02
Ndërsa grupet kriminale po sofistikojnë me shpejtësi pastrimin e parave përmes kriptovalutave, shteti ende nuk ka mjetet ligjore dhe teknike për të ruajtur pasuritë e sekuestruara në formë digjitale.
Kreu i SPAK, Altin Dumani para komisionit të Ligjeve ku po paraqet raportin e vitit 2024, për këtë institucion vuri në dukje se kriminaliteti me ndikim të lartë ekonomik e shoqëror paraqet një nivel të lartë rreziku me tendencë sofistikimi dhe shtrirjeje të gjerë gjeografike. Në nivel të lartë rreziku mbetet dhe pastrimi i parave nga grupet e strukturuara kriminale.
"Referuar matjes së nivelit të rriskut sipas veprave penale tregojnë se krimitaliateti me ndikim të lartë ekonomik e shoqëror paraqet nivel të lartë rreziku me tendencë sofistikimie shtrirje të gjerë gjeografike. Pastrimi i parave dhe grupet e strukturuara kriminale mbeten në nivel rreziku të lartë duke shënuar rritje progresive të procedimeve, sidomos në funksion të aktiviteteve që buron nga trafiku i narkotikëve dhe veprimtaria ndërkombëtare e grupeve kriminale.
Trafiku i nartkotikëve ruan një nivel shumë të lartë të rreziku megjithëse në 2024 ka një ujlje të lehtë që lidhet me goditjet dhe zhvendosjen e korridoreve të trafikut.
Ndërkohë trafikimi i qenieve njerëzore klasifikohet me numër të ulët por me potencial rritjesh për shkak të natyrës së fshehtë transnaionale të veprës’
Tipologjia e krimit
Grupet kriminale vijojnë të jenë aktive në trafikun e kokainës e kanabisit. Grupet kriminale shqiptare janë aktive në Spanjë, Itali, Belgjikë, Holandë, Francë, Gjermani, Mbretëri e Bashkuar. Ata sigurojnë drogën në Amerikën Latine.
Krimi i organizuar shqiptar është i përfshirë kryesisht në trafikun e drogës por janë të përfshirë dhe në trafikun e qenieve njerëzore dhe krimi kibernetik
Gjatë 2024, 16 grupe kriminale me rrezikshmëri të lartë – 10 prej tyre u është provuar aktiviteti kriminal në gjykatë. Ata karakterizohen nga strukturë hierarkike, komunikime të koduara e pastrimi i parave përmes formave të sofistikuara përfshirë kriptovalutat.
Qarqet ku janë aktive
Grupet kriminale janë aktive në Tiranë, Durrës, Shkodër., Lezhë, Elbasan e Vlorë.
6 mln euro mashtrimi me call centere
Një tjetër rrezikshmëri e lartë është dhe mashtrimi kompjuterik me call center. Bëhet fjalë për dëme që i kalojnë 6 milionë euro’ raportoi Dumani
Duhet portofol digjital
E ndërsa grupet kriminale pastrojnë paratë në kriptovaluta, as SPAK dhe as agjencia e Sekuestrimit nuk ka një portofol digjital dhe as ligj si të funksionojë .
Kreu i SPAK u kërkoi deputetëve ndryshime ligjore
Sa i takon ligjit 10 192, ligjin për administrimin e pasurive të sekuestruara e konfiskuara. Kemi hasur problematikë të madhe sa i takon ruajtjes së kriptomonedhave. Ne si institucion nuk kemi portofol për të ruajtur pasuritë në kripto. As agjencia e sekuestrimit të pasurive as ajo nuk ka portofol digital me qëllim ruajtjen e kriptovalutave të sekuestruara.
Kemi sekuestruar mbi 11 milion euro vlerë të kriptovalutave. Kemi hasur vështirësi për ta bllokuar. E zgjidhëm me një vend të BE-së që na u vetëofrua. Zgjidhja ishte e bazuar në marrëveshje ndërkombëtare por ishte një sforco shumë e madhe.
Jemi në një proces ngrirjeje me qëllim sekuestrimi të një shume akoma më të madhe se 11 mln euro. Janë të ngrira po synojmë sekuestrimin e tyre por kemi të njëjtën problematikë. Duhet parë ndryshimet ligjore.
Gjurmimi i kriptove është tmerrësisht i vështirë por falë bashkëpunimit ndërkombëtar kemi krijuar një skuadër të përbashkët
Duhet te ndahet pasuria e sekuestruar
Gjithashtu një tjetër ndërhyrje ligjore kërkohet dhe tek ndarja e sekuestrimit të pasurive me shtetet e tjera.
“Ka ardhur momentit të diskutojmë me homologët tanë dhe ndarjen e pasurive të konfiskuara mes shteteve. Ka nevojë për ndërhyrje në legjislacion. Pasi janë dy shtete të paktën që kanë kërkuar ndarjen e pasurisë. Pra me vendin ku është kryer vepra penale.
Janë sekuestruar 65.5 mln euro, 59.7 % krahasuar me vitin e 2023. Nga këta 28.7 milionë janë të sekuestruara pjesa tjetër është e konfiskuar. 45.8% e zënë pasurinë e zyrtarëve të lartë.
Terrorizmi
Gjatë 2024, janë regjistruar 9 çëshjtje të reja, një është dërguar në gjykatë për financim të terrorizmit
Korrupsioni
Nga totali i cështjeve në hetim 5.9 % janë kërkuar të pushohen. -67.4% e çështjeve mbetet pjesë e hetimit për 2025. -janë proceduar 33 ish zyrtarë të lartë -19 në gjykim -10 të dënuar me vendim të formës së prerë
