"Grupi kriminal i ndërronte vazhdimisht banesat!" SPAK dhe agjentët spanjollë rrethuan zonën “Kodrën e Diellit 2”, dyshimet për vila të tjera të kthyera në laboratorë droge

TIRANA- Një operacion antidrogë është zhvilluar mbrëmjen e djeshme në Tiranë në zonën rezidenciale Kodra e Diellit 2 teksa u raportua se Forcat Operacionale rrethuan zonën dhe ndaluan disa persona. Dyshimet janë se të ndaluarit kanë bashkëpunuar edhe me grupe të huaja kriminale ndërsa në këtë aksion, i kanë ardhur në ndihmë policisë shqiptare edhe organe ligj-zbatuese ndërkombëtare. 

Disa shtëpi janë kontrolluar teksa dyshohet gjithashtu se grupi kriminal i ndërronte vazhdimisht banesat, kjo për të shmangur rënien në sy dhe humbur gjurmët. "Shënjestra" ishte një grup kriminal i shpërndarjes së lëndëve narkotike, konkretisht kokainë, ndërsa u zbulua dhe një laborator droge.

Sipas të dhënave të policisë bëhet fjalë për sasi të mëdha kokaine që ka trafikuar grupi. Kontrolle janë zhvilluar edhe në Qerekë të Fushë Krujës si dhe në Kavajë, Shkozet, Vorë dhe Kamëz. Momentalisht raportohet se numri i të arrestuarve deri më tani është 5 persona, njëri prej të cilëve nga Venezuela.

operacion antidroge