Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
AKTUALITET
Grupi kriminal i Suel Çelës/ "Ndikim në sistemin e drejtësisë!" SPAK: Kjo organizatë korruptonte gjyqtarë e oficerë policie
ZH.LLPërditësimi i fundit 26 Nëntor 2024, 13:44
spak
TIRANË- Me goditjen e grupit kriminal të drejtuar nga Suel Çela, Prokuroria e Posaçme ka njoftuar zbulimin e detajeve të reja.
Grupi i Suel Çelës, sipas SPAK, kishte ndikim në sistemin gjyqësor dhe funksionarë të policisë së shtetit. Në njoftimin e SPAK, theksohet se si kjo organizatë kriminale kishte aftësinë që të ndikonte dhe të korruptonte përfaqësues të sistemit të drejtësisë
Me anë të këtij ndikimi që ushtronte mbi sistemin e drejtësisë, arrihej lehtësimi i dënimeve të grupit. Gjithashtu, kjo ndikonte edhe në proceset gjyqësore të atyre që konsideroheshin si kundërshtarë të tyre.
“Organizata kishte arritur të korruptonte funksionarë të policisë së shtetit (Dedan Gjoni) dhe të sistemit gjyqësor (Pajtime Fetaj.) të cilët duke shfrytëzuar pozicionin e tyre zyrtar e ndihmonin organizatën me informacione, duke ofruar gjithashtu lehtësira dhe ndikime në sistemin gjyqësor në këmbim të favoreve dhe përfitimeve materiale. Organizata kriminale kishte aftësi që të ndikonte dhe të korruptonte përfaqësues të sistemit të drejtësisë me qëllim që këta të fundit të lehtësonin pozitën e drejtuesit Suel Çela dhe anëtarëve të tjerë të organizatës në proceset penale në ngarkim të tyre. Për t’u theksuar është aftësia e organizatës që të ndikojë tek trupa gjyqësore me qëllim që të rëndohej pozita apo masa e dënimit që do te jepej në ngarkim të anëtarëve të grupit kriminal që konsideroheshin si kundërshtarë të tyre”, thuhet në njoftimin e SPAK.
