Helmimi i fëmijëve nga bakteri salmonela në Gramsh, ngrihet grup pune me inspektor higjene

GRAMSH- Një grup pune e përbërë nga disa inspektorë higjene është ngritur në lidhje me helmimin e 70 fëmijëve në Gramsh. Raportohet se grupi hetimor do të kryesohet nga inspektor Gazmend Miza. Ata po ndjekin situatën e referuar nga Spitali i Gramshit.

Për të patur një ide tepër të qartë për shkakun, duhet të pritet deri në rezultatin e daljes së analizave për të gjithë fëmijët e kopshtit publik të Gramshit. 70 fëmijë të një kopshti në Gramsh janë helmuar nga ushqimi ndërsa në analizat e tyre u gjet prani e madhe të bakterit të salmonelës. Dyshimet paraprake janë se helmimi ka ardhur nga ushqimi i ofruar nga kompania e shërbimit katering. 

Një grup i madh i fëmijëve gjatë këtyre ditëve është paraqitur me shqetësime dhe të vjella në spitalin e qytetit të Gramshit dhe kjo ka alarmuar prindërit. Fillimisht prindërit kishin dyshuar për gjendje gripale të fëmijëve, por analizat  e kryera treguan se ata ishin helmuar nga ushqimi. Helmimi u shkaktoi temperaturë të lartë, përzierje dhe dhimbje të forta koke.

helmimi i 70 femijevr nr gramsh