Policia është përplasur me protestuesit e rinj në qendër të Tiranës pasditen e të hënës, ku dhjetëra pers...
AKTUALITET
Humbi kontrollin e motomjetit që e drejtonte i dehur pa targa e patentë, arrestohet 65-vjeçari në Fier
S.BPërditësimi i fundit 9 Korrik 2024, 12:07
foto ilustruese
FIER- Arrestohet një person dhe procedohen katër të tjerë në Fier. Mësohet se është arrestuar 65-vjeçari B.Xh, pasi në gjendje të dehur duke drejtuar motomjetin pa targa dhe pa patentë, ka humbur kontrollin e tij duke dalë nga rruga.
Katër përsona janë proceduar për humbje kontrolli të automjetit, drejtimi motomjetit pa targa dhe patentë si dhe posedimi i fishekëve luftarak të kalibrave të ndryshëm dhe 1 gjerdani arme gjahu me fishekë.
Njoftimi i Policisë:
Drejtoria Vendore e Policisë Fier
Policia Rrugore arrestoi shtetasin B. Xh., 65 vjeç, banues në Divjakë, pasi duke drejtuar në gjendje të dehur dhe pa leje drejtimi, një motomjet pa targa, ka humbur kontrollin dhe si pasojë motomjeti ka dalë nga rruga. Nga aksidenti u dëmtua shtetasi B. Xh., i cili u dërgua në spital, për ndihmë mjekësore.
Gjithashtu u referuan materialet në Prokurori ku nisi procedimi penal për shtetasit:
-U. K., 33 vjeç, banues në Mbrostar Ura, pasi duke drejtuar automjetin, ka humbur kontrollin dhe automjeti ka dalë nga rruga. Si pasojë janë shkaktuar vetëm dëme materiale;
-V. V., banues në fshatin Hasturkas, pasi duke drejtuar pa leje drejtimi, një motomjet pa targa, ka humbur kontrollin dhe motomjeti ka dalë nga rruga. Shtetasi V. V. u dërgua në spital, për ndihmë mjekësore;
-G. C., 48 vjeç, banues në Vlorë, pasi duke drejtuar automjetin, ka humbur kontrollin dhe si pasojë automjeti ka dalë nga rruga. Nga aksidenti është dëmtuar 1 pasagjer, i cili u dërgua në spital, për ndihmë mjeksore.
Komisariati i Policisë Mallakastër referoi materialet në Prokurori ku nisi procedimi penal për shtetasin K. A., 57 vjeç, banues në Ballsh, pasi gjatë kontrolli në lokalin e tij, shërbimet e Policisë gjetën fishekë luftarak të kalibrave të ndryshëm dhe 1 gjerdan arme gjahu me fishekë.
Materialet procedurale i kaluan Prokurorisë, për veprime të mëtejshme.
