Humbi ndjenjat kur doli në ajrosje, ndërron jetë në QSUT një i paraburgosur (EMRI)

qsut

TIRANË- Ka ndërruar jetë sot në Qendrën Spitalore Universitare Nënë Tereza, një i paraburgosur.  Hekuran Myrtaj dyshohet se ndërroi jetë si shkak i një arresti kardiak. 

Sipas informacioneve policore ai ka humbur ndjenjat pasi doli për ajrosje. Pas kësaj u dërgua me urgjencë në QSUT, por nuk arriti të mbijetonte. Viktima ishte arrestuar me 17 korrik për kultivim të bimëve narkotike. 

NJOFTIMI I POLICISË: 

Shtetasi i paraburgosur Hekuran Myrtaj, që vuante dënimin në IEVP “Jordan Misja” ka ndërruar jetë për shkak të arrestit kardiak në QSUT.

I paraburgosuri ka humbur ndjenjat (gjendje të fikti) gjatë qëndrimit në zonën e ajërimit në orën 17:03. Në orën 17.11 menjëherë punonjësit e sigurisë dhe nd/ mjekë në IEVP e kanë shoqëruar me urgjencë drejt QSUT. 

Në orën 17:58, pas ndërhyrjes së mjekëve, Myrtaj ka ndërruar jetë në Qëndrën Spitalore Univeristare “Nënë Tereza”. Myrtaj është arrestuar në datë 17.07. 2024 për kultivim të bimëve narkotike. Organet kompetente po merren me zbardhjen e çështjes.

hekuran myrtaj qsut