Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
AKTUALITET
Humbje e madhe/ Ndahet nga jeta ikona e kinematografisë shqiptare, Enver Petrovci
PiranjatPërditësimi i fundit 22 Shtator 2025, 13:14
Ndahet nga jeta në moshën 71-vjeçare aktori i mirënjohur nga shqiptar, Enver Petrovci.
Lajmi është konfirmuar nga familjarët e tij përmes rrjetit social “Facebook”.
“Me dhimbje dhe pikëllim të madh njoftojmë ndarjen nga jeta të aktorit tonë të dashur, Enver Petrovci. Kjo është një humbje e madhe për familjen tonë dhe për mbarë artin shqiptar. Ai do të kujtohet gjithmonë për shpirtin e tij fisnik dhe veprën e jashtëzakonshme që la pas.” – ka shkruar një familjar i tij, Amir Petrovci.
Enver Petrovci lindi më 28 shkurt 1954 në Prishtinë. Fillimisht ndoqi studimet në Shkollën e Lartë Pedagogjike të qytetit të lindjes, në degën e aktrimit, ndërsa më pas i përfundoi ato në Fakultetin e Arteve Dramatike në Universitetin e Beogradit.
Gjatë karrierës së tij të hershme, Petrovci u bë i njohur në gjithë ish-Jugosllavinë, sidomos për interpretimet e tij në Teatrin “Atelje 212” në Beograd, ku u vlerësua si një ndër aktorët më të shquar të kohës.
Pas përfundimit të luftës në Kosovë, ai vazhdoi veprimtarinë artistike me intensitet, duke kontribuar në zhvillimin e teatrit dhe kinematografisë në Kosovë, Shqipëri dhe në mbarë hapësirën shqiptare.
