Hyn sot në fuqi marrëveshja, Shqipëria dhe Kosova heqin kontrollet në kufij për nëntë muaj

foto ilustruese

TIRANË- Qytetarët e Shqipërisë dhe Kosovës nga dita e sotme, do të kalojnë pa asnjë kontroll në pikat kufitare mes dy vendeve, përgjatë 9 muajve të vitit, si dhe në fundjava dhe rastet e festave, dhe në fundjavat e festave.

Qytetarët e Kosovës që kanë zgjedhur të udhëtojnë sot thonë se zbatimi i kësaj marrëveshjeje lehtëson ndjeshëm kalimet në kufi, ndërsa vetëm në orët e para të ditës së sotme, nga Kosova kanë hyrë në Shqipëri rreth 5 mijë shtetas të Kosovës dhe 3 mijë mjete të vogla e dhjetëra autobusë.

Sipas marrëveshjes, do të mundësohet lehtësimin e procedurave të kalimit, të verifikimit kufitar në pikën e përbashkët Morinë-Kukës për të gjithë periudhën 1 maj-30 shtator dhe 1 nëntor-28 shkurt, pra 9 muaj gjithsej në vit, në ndryshim nga protokolli në fuqi që parashikonte 4 muaj, konkretisht nga 1 qershor deri në 30 shtator. Gjatë kësaj periudhe të qarkullimit të lehtësuar nuk do të ketë kontrolle pasaportash, kartash identiteti për qytetarët e të dy vendeve.

kosove shqiperi