I dehur në timon përplasi një automjet tjetër, arrestohet në flagrancë 35-vjeçari në Korçë

foto ilustruese

KORÇË- Arrestohet një person dhe procedohen dy të tjerë në Korçë për vepra të ndryshme penale. Mësohet se është arrestuar 35-vjeçari E.Ç pasi në aksin Korçë-Pogradec ka qenë i dehur në timon dhe ka përplasur një automjet tjetër duke shkaktuar dëme materiale.

Dy persona të moshave 50 dhe 27-vjeç janë proceduar në gjendje të lirë pasi kanë goditur me grushte një person duke i shkaktuar dëmtime të lehta.

Njoftimi i Policisë:

Drejtoria Vendore e Policisë Korçë

Sektori i Policisë Rrugore arrestoi në flagrancë shtetasin E. Ç., 35 vjeç, banues në Pogradec, pasi në aksin rrugor “Korçë-Pogradec”, duke drejtuar automjetin në gjendje të dehur, ka përplasur një automjet tjetër, duke shkaktuar vetëm dëme materiale.

Komisariati i Policisë Korçë referoi materialet në Prokurori, ku filloi procedimi në gjendje të lirë për shtetasit Y. T., 50 vjeç dhe R. T., 27 vjeç, banues në fshatin Plasë, Maliq, pasi në lagjen nr. 17, Korçë, dyshohet se kanë goditur me grushte shtetasin E. D., duke i shkaktuar dëmtime të lehta.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë.

korçë aksident