I dënuar me 16 vjet burgim për vjedhje me armë, arrestohet 39-vjeçari në Greqi, pritet ekstradimi i tij në Shqipëri (EMRI)

GREQI- Një 39-vjeçar është vënë në pranga në Greqi. Policia bën me dije se i arrestuari ishte i dënuar me 16 vjet burgim për vjedhje me armë kryer në bashkëpunim. Mësohet se policia greke lokalizoi dhe arrestoi me qëllim ekstradimi 39-vjeçarin Eduard Vushaj.

Vushaj në vitin 2016 është dënuar nga Gjykata e Shkodrës me 16 vjet burgim, për veprën penale “Vjedhja me armë". I arrestuar më vitin 2013, në fshatin Grabom në bashkëpunim me një person tjetër ka ndaluar automjetin me të cilin lëviznin 2 shtetas dhe duke i kanosur me armë u ka marrë paratë dhe automjetin. Ata gjithashtu kanë plagosur me thikë dy personat që u dolën në pritë.

Policia e Shtetit/ Finalizohet një tjetër operacion ndërkombëtar, për kapjen dhe ekstradimin e shtetasve të kërkuar ndërkombëtarisht, për llogari të Shqipërisë.

Operacioni “Kartela e kuqe”/Kapet në Greqi, një i dënuar me 16 vjet burgim për vjedhje me armë kryer në bashkëpunim. Si rezultat i informacionit të siguruar nga Fast Albania dhe DVP Shkodër si dhe shkëmbimit të këtij informacioni nëpërmjet Interpol Tiranës me homologët në Athinë, u finalizua operacioni “Kartela e kuqe”.

Në kuadër të operacionit, Policia greke lokalizoi, kapi dhe arrestoi provizorisht me qellim ekstradimi shtetasin Eduard Vushaj, 39 vjeç.

Në vitin 2016, Gjykata e Shkodrës e ka dënuar me 16 vjet burgim, për veprën penale “Vjedhja me armë”, sepse në vitin 2013, në fshatin Grabom, ky shtetas në bashkëpunim me një shtetas tjetër, ka ndaluar automjetin me të cilin lëviznin 2 shtetas dhe duke i kanosur me armë u ka marrë paratë dhe automjetin si dhe i ka plagosur të dy me mjet prerës (thikë). Vijon bashkëpunimi ndërmjet Interpol Tiranës dhe Interpol Athinës, për ekstradimin e 39-vjeçarit, në Shqipëri.