Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
AKTUALITET
I dënuar për masakrën e Urës Vajgurore në 1997, izolohet në 41-Biss Fran Marashi
n.fPërditësimi i fundit 13 Dhjetor 2024, 15:44
Marashi
PEQIN- I dënuari Fran Marashi ditën e sotme është izoluar në Regjimin e e Posaçëm “41-bis” për një periudhë njëvjeçare. Marashi është dënuar me burgim të përjetshëm nga Gjykata e Tiranës për kryerjen e disa veprave penale të rënda si masakra e Urës Vajgurore në vitin 1997 ku mbetën të vrarë 4 policë. Ai akuzohet për pjesëmarrje në banda të armatosura, vrashe me dashje e punonjësit të policisë.
Marashi është dënuar tre herë për veprën penale “Largimi i të burgosurit nga vendi i qëndrimit” dhe dy herë për veprën penale “Futja ose mbajtja e sendeve të ndaluara në institucionin e vuajtjes së dënimit”. Në njoftimin e drejtorisë së burgjeve theksohet se i burgosuri ka shkelje të përsëritura disiplinore nga viti 2011 deri më sot, të lidhura me futjen dhe përdorimin e sendeve të ndaluara në institucion. Gjithashtu theksohet se ai përbën rrezik të lartë për arratisje dhe për sigurinë e brendshme të institucionit.
Njoftimi i Drejtorisë së Burgjeve:
Më datë 13 dhjetor 2024, me Urdhrin nr. 620 të Ministrit të Drejtësisë, i burgosuri Fran Marashi, i biri i Pal dhe i Dile, i datëlindjes 19 shkurt 1978, lindur dhe banues në Shkodër, është vendosur në Regjim të Posaçëm “41-bis” në Institucionin e Ekzekutimit të Vendimeve Penale të sigurisë së lartë në Peqin për një periudhë njëvjeçare.
Fran Marashi është dënuar me burgim të përjetshëm nga Gjykata e Rrethit Gjyqësor Tiranë, sipas vendimit nr. 31, datë 31 janar 2000, për kryerjen e disa veprave penale të rënda, përfshirë: - Pjesëmarrje në banda të armatosura - Vrasje me dashje të punonjësit të policisë (katër raste) - Vrasje me dashje të punonjësit të policisë, mbetur në tentativë (dy raste) - Vrasje me dashje - Heqje e paligjshme e lirisë
Gjatë periudhës së vuajtjes së dënimit, Fran Marashi është dënuar tre herë për veprën penale “Largimi i të burgosurit nga vendi i qëndrimit” dhe dy herë për veprën penale “Futja ose mbajtja e sendeve të ndaluara në institucionin e vuajtjes së dënimit”. Këto janë parashikuar nga nenet 323/1, 25, 278/2, 324/a/1 dhe 324/a/2 të Kodit Penal.
Nga të dhënat rezulton se i burgosuri ka shkelje të përsëritura disiplinore nga viti 2011 deri më sot, të lidhura me futjen dhe përdorimin e sendeve të ndaluara në institucion. Ai përbën rrezik të lartë për arratisje dhe për sigurinë e brendshme të institucionit.
Regjimi i posaçëm “41-bis” zbatohet ndaj individëve që kanë kryer vepra të rënda penale në kuadër të organizatave kriminale, terroriste apo bandave të armatosura dhe që përbëjnë rrezik të lartë shoqëror. Drejtoria e Përgjithshme e Burgjeve mbetet e përkushtuar në zbatimin rigoroz të masave për të garantuar sigurinë dhe për të luftuar veprimtarinë kriminale brenda institucioneve penitenciare.
