I dënuar për vepra penale në fushën e narkotikëve, sekuestrohen pasuritë e luajtshme të 26-vjeçarit në Fier

foto ilustruese

FIER- Gjykata e Fierit ka vendosur sekuestro preventive ndaj pasurive të luajtshme të një 26-vjeçari. Mësohet se E.H 26 vjeç, i janë sekuestruar katër automjete.

Bëhet me dije se pasuritë e 26-vjeçarit janë përfituar nëpërmjet veprimtarive kriminale në fushën e narkotikëve. I riu është dënuar më parë në vendin tonë për vepra penale në fushën e narkotikëve.

Po punohet për sekuestrimin e pasurive të tjera të përfituara nga veprimtaritë kriminale.

Njoftimi i Policisë:

DVP Fier/Finalizohet operacioni i koduar “Kreshpani”, për sekuestrimin e pasurive që dyshohet se e kanë burimin nga veprimtaritë kriminale në fushën e narkotikëve.

Sektori për Hetimin e Krimeve Ekonomike dhe Financiare, në drejtimin e Prokurorisë, ka ekzekutuar vendimin e Gjykatës së Fierit, për vendosjen e sekuestros preventive mbi pasuritë e luajtshme të shtetasit E. H., 26 vjeç.     

Konkretisht, janë sekuestruar 4 automjete të këtij shtetasi, njërin prej të cilëve e kishte kaluar në pronësi të nënës së tij.

Ky shtetas, i dënuar më parë në Shqipëri, për vepra penale në fushën e narkotikëve, dyshohet se i ka përfituar këto pasuri nga veprimtaritë kriminale në këtë fushë.

Vijon puna hetimore për evidentimin dhe sekuestrimin e pasurive të tjera të këtij shtetasi, që mund të jenë përfituar nga veprimtaritë kriminale.   

fier pasuri