Një tjetër grup studentësh, ata të Mjekësisë, i janë bashkuar turmës së protestuesve të mbledhur para Kryemini...
AKTUALITET
Përdhunimi i 16-vjeçares nga njerku, pezullohet shefi i Komisariatit të Përmetit/ Kishte dijeni për ngjarjen makabre
PiranjatPërditësimi i fundit 1 Tetor 2025, 09:03
Shefi i Komisariatit të Përmetit, Dhurim Çenko është pezulluar nga detyra.
Mësohet se vendimi është marrë pasi dyshohet se ka pasur dijeni për rastin e abuzimit seksual të 16-vjeçares nga njerku dhe një efektiv policie.
Sipas njoftimit zyrtar, pezullimi i Çenkos është bërë nga Drejtoria e Përgjithshme e Policisë së Shtetit, përmes Drejtorisë së Standardeve Profesionale, ndërkohë që hetimi pritet të zbardhë nëse ai ka pasur dijeni ose përfshirje indirekte në ngjarje.
Në këtë çështje, protagonist është polici Pajtim Baka, i cili është arrestuar dhe ndaj tij Gjykata e Shkallës së Parë Gjirokastër ka caktuar masën “arrest me burg pa afat”. Baka është koleg me Dhurim Çenkon dhe rezulton të jetë një nga personat e përfshirë drejtpërdrejtë në këtë skandal.
Ndërkohë, është shpallur në kërkim edhe polici Artur Ago, punonjës i Komisariatit të Tepelenës, i cili shfaqej në video komprometuese duke kryer veprime të turpshme me një vajzë 16-vjeçare.
Burime pranë strukturave hetimore bëjnë me dije se Drejtoria Rajonale e Agjencisë së Mbikëqyrjes Policore Vlorë-Gjirokastër është informuar për përfshirjen e mundshme të efektivëve të tjerë në këtë rast. Janë marrë masa për hetim të thelluar ndaj çdo punonjësi policie që ka pasur dijeni apo lidhje me ngjarjen.
Hetimet vijojnë, ndërkohë që institucioni i Policisë së Shtetit ndodhet përballë një prej krizave më serioze të besueshmërisë së brendshme në vite, për shkak të natyrës së rëndë të skandalit dhe përfshirjes së uniformave blu.
