Një aksident rrugor është raportuar mesditën e sotme në fshatin Aliko të Vlorës.
Për pasojë kanë mbetur t&e...
AKTUALITET
Atentati ndaj boksierit në Shkodër, kush është Alban Bruçi i arrestuar në Tiranë dhe si lindi konflikti midis dy familjeve
PiranjatPërditësimi i fundit 19 Shtator 2025, 10:27
Dy persona u arrestuan nga policia në zonën e Astirit në Tiranë. Në pranga përfunduan Alban Bruçi dhe Arjan Sardi. Bruçi rezulton emër i njohur për policinë, pasi dyshohet se qëlloi me armë zjarri drejt një automjeti tip Range Rover, në të cilën udhëtonte boksieri Aron Kajoshi, ngjarje e ndodhur në shtator të vitit të shkuar.
Tentativa për vrasje dyshohet se ndodhi për hakmarrje, pasi vëllai i boksierit, shtetasi Arlind Kajoshi kishte dhunuar më parë babanë e autorit. Vladimir Bruçi u dhunua pranë banesës së tij më 3 qershor 2024. Gjatë kontrollit fizik, Alban Bruçit iu gjetën një shumë parash, 3 celularë, 1 kartë SIM dhe 1 kartë identiteti italiane e dyshuar e falsifikuar, që u sekuestruan në cilësinë e provës materiale.
Njoftimi i Arrestimit
Kapet në rrugën “Teodor Keko” dhe vihet në pranga një 28-vjeçar i shpallur në kërkim për tentativë për vrasje me paramendim dhe për armëmbajtje pa leje.
Në momentin e ndalimit, 28-vjeçari posedonte një kartë identiteti italiane false.
Vihet në pranga dhe shtetasi që shoqëronte dhe transportonte 28-vjeçarin, me motomjet.
Në vijim të operacioneve të njëpasnjëshme për kapjen e shtetasve të shpallur në kërkim ndërkombëtar dhe kombëtar, strukturat e Drejtorisë së Forcës së Posaçme Operacionale në DPPSh finalizuan operacionin e koduar “Operacionalja 67”, gjatë të cilit u kap në rrugën “Teodor Keko” dhe u vu në pranga shtetasi:
- Alban Bruçi 28 vjeç, banues në Shkodër, i cili ishte shpallur në kërkim me vendimin e vitit 2024, të Gjykatës së Shkodrës, për veprat penale “Vrasja me paramendim”, mbetur në tentativë, dhe “Mbajtja pa leje dhe prodhimi i armëve, armëve shpërthyese dhe municionit”.
Gjatë kontrollit fizik, shtetasi Alban Bruçi. iu gjetën një shumë parash, 3 celularë, 1 kartë SIM dhe 1 kartë identiteti italiane e dyshuar e falsifikuar, që u sekuestruan në cilësinë e provës materiale.
Gjithashtu, gjatë operacionit u vu në pranga, për përkrahje të autorit të krimit, shtetasi Arjan Sardi, 37 vjeç, banues në Tiranë, i cili shoqëronte shtetasin A. B., në momentin e kapjes nga shërbimet e Policisë. Nga hetimet dyshohet se shtetasi A. S. transportonte shtetasin Alban Bruçi., me motomjet, i cili u sekuestrua në cilësinë e provës materiale. Shtetasit e kapur iu dorëzuan Drejtorisë Vendore të Policisë Shkodër që bëri ekzekutimin e urdhrave për ndalimin e shtetasit A. B. dhe arrestimin e shtetasit A. S. Materialet procedurale do t’i kalojnë Prokurorisë, për veprime të mëtejshme.
Atenati ndaj boksierit
Atentati ndaj Arjon Kajoshit ndodhi mesditën e 7 shtatorit 2024 rreth orës 12:30 në lagjen Partizani në Shkodër kur i riu po kthehej nga stërvitja.
Nga të shtënat me armë nuk ka pasur të lënduar, ndërsa mjeti është në pronësi të shtetasit me iniciale S. K..
“Rreth orës 12:30, në lagjen “Partizani”, dyshohet se është qëlluar me armë zjarri në drejtim të një automjeti “Land Rover” në lëvizje, në pronësi të shtetasit S.K. Nga të shtënat nuk ka përsona të lënduar.
Shërbimet e Policisë kanë ngritur pika kontrolli në hyrje-dalje të qytetit dhe vijojnë kontrollin në zonë për kapjen e autorit/ve.
Grupi hetimor në drejtimin e Prokurorisë po punon për zbardhjen e rrethanave, sigurimin e provave me qëllim identifikimin dhe kapjen e autorit/ve, dhe dokumentimin ligjor të rastit”, njoftoi policia ne ate kohe.
