Teksa shkallmuan thuajse të gjithë gurët e trotuareve, nga frika e sulmeve nga protestuesit, sot punonjës të bashkisë janë fu...
AKTUALITET
Atentati ndaj Mondi Mëhallës/ Një nga autorët i dënuar në Itali! Në qershor iu sekuestruan 136 mijë euro pasuri
PiranjatPërditësimi i fundit 2 Dhjetor 2025, 12:22
Marselo Arani, një nga autorët e dyshuar të vrasjes së biznesmenit Mondi Mëhalla në Elbasan, është një emër i njohur për drejtësinë, jo vetëm në Shqipëri, por edhe në Itali.
32-vjeçari ishte më parë nën arrest shtëpie për pastrim parash, ndërkohë para rreth një viti më parë nga policia e Elbasanit ka arrestuar Marselo Aranin, i akuzuar për pastrim parash. Gjykata e Elbasanit ka caktuar ndaj tij masën e sigurisë “arrest me burg”.
Në kuadër të hetimeve, autoritetet kanë sekuestruar pasuri me vlerë rreth 136 mijë euro, përfshirë një apartament në Durrës dhe tre automjete, të cilat dyshohet se janë fituar nga veprimtaritë kriminale të të riut.
Arani rezulton i dënuar me vendim të formës së prerë në Itali për veprën penale të shfrytëzimit të prostitucionit. Hetimet në vendin fqinj tregojnë se ai ka zhvilluar veprimtari kriminale në territorin italian dhe ka përdorur fitimet e këtyre aktiviteteve për t’i investuar në pasuri dhe biznes në Shqipëri.
Sipas aktakuzës, pastrimi i parave bëhej përmes një zinxhiri transaksionesh dhe investimesh, duke i dhënë një formë të ligjshme të ardhurave të fituara nga aktiviteti kriminal. Vendimi dënues në Itali është i formës së prerë dhe nuk është më subjekt apelimi.
Pas 24 orësh, janë identifikuar dhe shpallur në kërkim dy shtetas të dyshuar si autorë të vrasjes, Marselo Arani dhe Armando Kola. Ata akuzohen për veprat penale “Vrasje me paramendim”, kryer në bashkëpunim, “Prodhimi dhe mbajtja pa leje e armëve, armëve shpërthyese dhe municionit” dhe “Largimi i të burgosurit nga vendi i qëndrimit”.
Në pranga janë vënë shtetasit Xhino Ago, 32 vjeç, bashkëpunëtor i biznesmenit të vrarë, i cili akuzohet për veprat penale “Vrasje me paramendim”, kryer në bashkëpunim, dhe “Prodhimi dhe mbajtja pa leje e armëve, armëve shpërthyese dhe municionit”, dhe Kujtim Pisha, 52 vjeç, i cili akuzohet për veprën penale “Moskallëzim i krimit”.
Ekzekutimi i 43-vjeçarit dyshohet se ka të bëjë me mosmarrëveshjet për ndarjen e normës së fitimit në biznes. Sipas burimeve edhe incidentet e fundit mes viktimës dhe ortakut të tij, 32-vjeçari Xhino Ago, kanë pasur si shkak këtë çështje.
