Atentati ndaj Roan Brahimit në Athinë, del VIDEOJA e momenteve pak pas ekzekutimit

foto nga vendngjarja

GREQI- Është publikuar videoja me pak momente pas ekzekutimit të 32-vjeçarit shqiptar në Athinë, Roan Brahimi, mbrëmjen e djeshme. Në vendin e ngjarjes shihen forca të shumta policie dhe kalimtarë të cilët mbetën të shokuar nga ngjarja. Siç shihet në videon e publikuar nga mediat greke, pamje janë filmuar nga një pallat në zonën ngjitur me parkun ku ndodhej fëmija i viktimës. 

Në Greqi, Brahimi rezulton me i pastër penalisht, ndërkohë që bashkëshortja e tij është shprehur për grupin hetimor se ai kishte armiq në Shqipëri. Sulmi ka ndodhur pak pas orës 21:30 të mbrëmjes në kryqëzimin e rrugëve Messolongiou dhe Tsaldari. Viktima ndodhej brenda në makinën e parkuar, së bashku me bashkëshorten e tij, ndërsa në një distancë jo shumë larg 7 – 8 metra ka qenë djali i tyre i vogël i cili po luante në një park lojrash.

Roan Brahimi është një nga personat që dyshohet se ka pasur gisht në antetatin ndaj Ylli Ibrahimit, ku vdiq Klisman Preçi. Roan Brahimi është shpallur në kërkim për terrorin që shkaktuan në një lokal në Zejmen të Lezhës ku u futën të armatosur me kallashnikov duke kërkuar pronarin, ngjarje e ndodhur në vitin 2021. Sipas dokumentave sekrete të policisë, gjithçka thuhet se lind pas një konflikti që Roan Brahimi kishte me Ylli Brahjan. Ky i fundit, sipas dokumentave të prokurorisë, mendohet se e ka çuar Roan Brahimin në një nga bazat ku ishin Ervis Martinaj dhe njerëzit e tij të besuar. Bazë që ndodhet në afërsi të Fushë Kuqes, ku mendohet se Rohan Brahimi është dhunuar në mënyrë barbare. E gjitha kjo për borxhet që lidheshin me lojërat e fatit. Roan Brahimi po ashtu dyshohet se ka qenë i përfshirë në atentatin ndaj Brilant Martinaj, kushëriri i Ervis Martinajt.

roan brahimi sidorel prendi vrasje ne athine

roan brahimi