I preu llapën e veshit për ta poshtëruar/ Shqiptari ekzekuton bashkëkombësin

GJERMANI- Shqiptari Kelmend M. ka dalë të enjten para Gjykatës Rajonale të Darmstadt në Gjermani, pasi akuzohet për vrasje e bashkëkombasit të tij. Sipas mediave gjermane bëhej fjalë për një luftë për pushtet në skenën e drogës. Sipas aktakuzës, 41-vjeçari i ka zënë pritë viktimës së tij para një kafeneje dhe e ka qëlluar. Gjithashtu ekzekutimi u krye në rrugë të hapur, në mes të ditës në mes të Gjermanisë.

Sipas aktakuzës, krimi i 22 prillit 2024 përfshinte një luftë për pushtet në skenën lokale të drogës, kokainë, xhelozi, dy gra të bukura dhe një llapë veshi. Gjithashtu mediat e huaja shkruajnë trafikanti Arben G. 45 vjeç, i quajtur Beni, i kishte prerë llapën e veshit për ta poshtëruar.

"I pandehuri mendoi se ky ishte një degradim i konsiderueshëm i personit të tij. Ai ndjeu se i ishte shkelur nderi. Viktima duhej të vdiste për të rikthyer nderin dhe statusin e tij", tha Prokurorja Elena Beyer. 

Kamerat e vëzhgimit tregojnë Benin duke dalë nga lokali në orën 8:52 të mëngjesit, i ndjekur nga një burrë i maskuar me doreza gome, një çantë Lidl dhe një armë dhe më pas ai qëllon. Gjithashtu kamera e një lokali tregon se si viktima ecën pak metra dhe rrëzohet.

“Po, unë kam qenë ai që ka qëlluar”, rrëfeu Kelmend M. në gjykatë. Ai qëlloi pesë ose gjashtë herë, por dyshohet se nuk donte të vriste bashkatdhetarin e tij. Ai ndoshta e kishte fshehur armën paraprakisht në çantën e blerjeve dhe e përdori atë për të futur gëzhojat bosh.

Pas vrasjes, autori u kthye në banesën e tij, hodhi dorezat dhe më pas dyshohet se hodhi armën në lumë. Siç raportohet ai është arratisur nga Gjermania. Vrasësi u arrestua disa javë më vonë në Suedi dhe tani ai përballet me burgim të përjetshëm.