I shpallur në kërkim nga Franca për vjedhjen e 6 makinave, arrestohet pas 6 vitesh shqiptari i "fshehur" në Angli, u zbulua pasi tentoi të merrte leje qëndrim

Foto ilustruese

ANGLI- Autoritetet britanike kanë vënë në pranga një 42-vjeçar shqiptar të shpallur në kërkim nga Franca. Mësohet se shqiptari prej 6 vitesh fshihej në Angli ndërsa kohët e fundit ishte përpjekur të merrte leje qëndrimi.

I arrestuari është Nando Ismalaj ndërsa akuzohet në Francë për vjedhjen e gjashtë makinave dhe tani përballet me ekstradimin nga Britania e Madhe, teksa ndodhet në paraburgim. Arrestimi i tij vjen gjashtë vjet pasi ai hyri ilegalisht në Mbretërinë e Bashkuar në vitin 2018. Që atëherë ai ka jetuar në Britani pa asnjë status apo të drejtë ligjore për të qëndruar.

Ai dy herë u përpoq të siguronte statusin e vendosur sipas skemës pas Brexit për qytetarët e BE-së, pasi u martua me një grua rumune që kishte të drejtë të qëndronte në MB. Por kërkesa e tij u refuzua, duke e lënë atë në rrezik për t’u deportuar në Shqipëri.

Ismalaj më pas nisi një apel ligjor kundër refuzimit për t’i dhënë atij statusin e vendbanimit me bazën se ishte shkelje e të drejtave të tij të njeriut sipas nenit tetë të Konventës Evropiane për të Drejtat e Njeriut, e drejta për respektimin e familjes dhe jetës private.

Ai pretendoi se e drejta e tij dhe e gruas për jetë familjare do të cenohej nga shpërngulja e tij në vendlindjen e tij, Shqipëri, sepse ajo nuk kishte qenë kurrë në vend dhe do të vuante për shkak të paaftësisë së saj për të folur gjuhën. Një gjykatës në gjykatën e lartë të imigracionit hodhi poshtë pretendimet e tij se çifti do të përballej me “vështirësi serioze” nëse ai do të dëbohej në Shqipëri.

Gjyqtari e pranoi ankesën dhe e ktheu çështjen përsëri në gjykatën më të ulët për t’u ridëgjuar mbi bazën se nuk kishte pasur një ushtrim të plotë të gjetjes së fakteve dhe kishte pasur një gabim ligjor. Pas këtij vendimi, Ismalaj u arrestua nga Policia Metropolitane dhe u la në paraburgim nga magjistratët e ëestminster-it për t’u përballur me ekstradimin në Francë për akuzën e vjedhjes së gjashtë makinave.

shqiptar arrestim angli