Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
AKTUALITET
Sulmi terrorist në kanalin e ujit në Zubin Potok/ I pandehuri nuk pranon fajësinë: Kur ka ndodhur ngjarja kam qenë në një vend tjetër, këtë mund ta dëshmojnë edhe të tjerë
PiranjatPërditësimi i fundit 1 Dhjetor 2024, 22:06
RISHTINË- Gjykata e Prishtinës ka caktuar masën e paraburgimit prej një muaji ndaj Dragisha Viçentijeviç, i arrestuar nën dyshimin se ka marrë pjesë në sulmin terrorist të kryer kundër kanalit të ujit të Ibër-Lepencit në zonën e Zubin Potokut më 29 nëntor. Gjithashtu caktimin e masës së paraburgimit e ka konfirmuar avokati Millosh Delloviç.
Pas përfundimit të seancës në Gjykatën e Prishtinës avokati Delleviç ka thënë se klienti i tij nuk e ka pranuar fajësinë. Sipas avokatit, i pandehuri ka thënë se në kohën kur ka ndodhur sulmi ndaj kanalit të Ibër-Lepencit ka qenë në një vend tjetër dhe se për këtë ka shumë dëshmitarë.
“Fakti se dikujt në shtëpi i janë gjetur çizme të lagura e të papastra dhe armë nuk mund të jenë dëshmi të mjaftueshme për të mbështetur akuzat për kryerje të këtyre veprave të rënda penale. Në atë kohë, ai ka qenë në një vend krejtësisht tjetër, ku ka pasur shumë dëshmitarë” tha avokati Delloviç.
Po ashtu avokati tha se beson që pafajësinë e Dragisha Viçentijeviç do ta dëshmojë gjatë procesit hetimor. Gjithashtu avokati Delloviç tha brenda afatit ligjor do të ankohen ndaj vendimit për masën e paraburgimit.
