Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
AKTUALITET
I vendosën tritol në makinë, flet gazetari italian: Një vit më parë gjetëm plumba dhe konstatuam individë që na vëzhgonin
PiranjatPërditësimi i fundit 17 Tetor 2025, 16:25
Një ngjarje e rëndë ka tronditur një natë më parë provincën Pomezia, ku iu bë një atentat gazetarit italian Sigfrido Ranucci, duke i hedhur në erë me eksploziv automjetin e tij dhe të vajzës.
Ranucci në një prononcim për mediat, ka deklaruar se vetëm disa muaj më parë, përpara banesës së tij, ka gjetur disa plumba, ai shtoi më tej se ka marrë me qindra kërcënime.
“Ka një listë pafund e të natyrshme të kërcënimeve, me qindra, dhe sa I përket atyre, kam informuar autoritetet gjyqësore dhe grupi im I shoqërimit, kanë raportuiar gjithmonë.
Ndihem I qetë sepse shteti dhe institucionet më janë gjendru pranë në këto ditë dhe muaj.
Me këtë të fundit kaluam në një tjetër nivel, më tepër shqetësues sepse përpara shtëpisë time, ku përpara një viti gjetëm disa plumba, që asnjëherë se kam bërë publik, edhe kishte disa persona që më vëzhgonin.”
Ranuci tha ndër të tjera, shpërthimi ka qenë aq i fuqishëm, sa kanë arritur ta dëgjojnë edhe Karabinierët.
Ai u shpreh se tashmë do të lëvizë me automjet të blinduar, duke shtuar kështu sigurinë.
“Ishte një shpërthim I fuqishëm që kanë arritur ta dëgjojnë edhe Karabinierët, sepse ka arritur të kenë edhe një audio të personave që po regjistronin në telefon në atë moment, duke arritur të gjejnë edhe orën e saktë që ishte 22:17, ka qenë një shpërthim shumë I fortë, nuk ka telekamera, tani do përdorim një makinë të blinduar.”
Kujtojmë këtu, ngjarja ndodhi rreth orës 22 dhe shkaktoi dëme të mëdha materiale në makinën e gazetarit, vajzës së tij, si dhe në fasadën e jashtme të banesës ku jeton.
Sigfrido Ranucci, gazetari dhe drejtuesi i emisionit investigativ italian "Report", ka denoncuar disa abuzime dhe skandale lidhur me Shqipërinë gjatë një serie hetimesh dhe raportimesh.
Një nga denoncimet më të njohura të tij, ka qenë lidhur me pastrim parash dhe trafikimin e narkotikëve. Në një raport të emisionit "Report", ai e ka lidhur Shqipërinë me pastrimin e parave të fituara nga krimi i organizuar, duke theksuar se Shqipëria po shërbente si një pikë e rëndësishme për pastrimin e parave të drogës dhe se disa figura të rëndësishme politike dhe biznesmenë kishin lidhje me këtë proces.
