Ish-kreu i Autoritetit Rrugor Shqiptar (ARRSH), Gentian Gjyli, dhe ish-drejtori i Korporatës Elektroenergjitike Shqiptare (KESH), Erald Elezi, janë ...
AKTUALITET
"Imagjino sikur je një trafikant" – Nga dollari i pistë te fishat VIP: Si u pastruan milionat e vëllezërve Hysa në kazinotë e Sinaloas
PiranjatPërditësimi i fundit 1 Dhjetor 2025, 16:55
Imagjino sikur je një trafikant droge që ke sjellë një ngarkesë armësh nga Evropa Lindore; kartelet meksikane të kanë paguar një shumë të majme – le të themi 50 milionë dollarë cash.
Por, ajo që dukej si bekim, është kthyer në mallkim: pasi merr paratë, ato nuk mund t’i nxjerrësh as me avion e as në rrugë tokësore. Por tek cepi i pallatit është një hotel dhe një kazino.
Kështu që mbledh 50 të njohur dhe secili ndërron nga një milion dollarë në fisha me miratimin e pronarëve. Tani, paratë e tua të pista kanë marrë një funksion të ligjshëm — lojën e fatit, një aktivitet i lejuar në Meksikë. Grupe me nga pesë miq ulen në të njëjtën tavolinë pokeri.
Shtiren sikur nuk njihen dhe luajnë. Disa humbasin shumë, të tjerë fitojnë pak në kohë rekord. S’ka rëndësi rezultati. Në fund marrin cceqet dhe origjina është ligjore.
Kjo skemë është ajo që zbuloi SHBA: një rrjet kazinosh që pastronin para me baste të simuluara.
Në këtë ushtrim hipotetik, kazinoja është një investim i Kartelit të Sinaloas dhe ti je një anëtar i rëndësishëm i mafies shqiptare. Klanet shqiptare në veri të Meksikës — familja Hysa — dyshohen prej vitesh për pastrim parash dhe lidhje me La Mayiza-n.
Anëtarët Luftar, Arben, Ramiz, Fatos dhe Fabjon Hysa, sipas SHBA, kanë përdorur investime dhe biznese të ndryshme në Meksikë për të pastruar para të trafikut të drogës, duke operuar me miratimin e Kartelit të Sinaloas./piranjat.news
