Deputeti i Partisë Demokratike Saimir Korreshi komentoi deklaratën e kryeministrit Edi Rama se prindërit e studentëve duhet të paguajn&...
Furtuna e paralajmëruar nga kryeministri Edi Rama në administratën shtetërore ka nisur të marrë formë konkrete. Pas ultimatum...
Protestat kundër qeverisë shqiptare kanë tërhequr vëmendjen e revistës prestigjioze “The Economist”, e cila i analizon...
Partia Popullore Evropiane, grupimi më i madh i partive politike të djathta dhe të qendrës në Evropë, reagoi sërish për ...
Pas kontrolleve nga SPAK, biznesmeni izraelit, Ron Yeffet, po përballet me telashe edhe në Shtetet e Bashkuara të Amerikës. Përplasj...
Kontrolli i Lartë i Shtetit ka nisur një auditim në Spitalin e Traumës, pasi mbrëmjen e 19 tetorit, në kulmin e protestave stude...
Qeveria e Mbretërisë së Bashkuar ka bërë të ditur se po punon për të identifikuar çdo ekspozim të mundsh&e...
Të paktën tre persona kanë humbur jetën si pasojë e stuhive të fuqishme dhe përmbytjeve që goditën jugun e Franc&...
Kryeministri i Kosovës, Albin Kurti, i kërkon Bashkimit Evropian të bëjë hapin e radhës drejt integrimit të vendit, duke i ...
“Nëse Edi Rama do të zhvillonte zgjedhje tani, do t’i humbiste ato”. Kjo është deklarata që ish-presidenti serb Ale...
Rruga e integrimit evropian të Shqipërisë rrezikon një bllokim serioz nga Gjermania, e cila mund të vendosë një veto si pasojë e informacioneve alarmante të mbledhura nga shërbimet e saj sekrete. Deputeti i Partisë Demokratike Tomorr Alizoti i ftuar në emisionin e mëngjesit “Kafe Shqeto” në Syri tv tha se, “Berlini zyrtar ka ashpërsuar ndjeshëm qëndrimin ndaj qeverisë shqiptare, i shtyrë nga të dhënat që flasin për një kapje të shtetit nga "kartele" dhe bllokim të drejtësisë, me rastin e zëvendëskryeministres Belinda Balluku që ka shërbyer si pika e thyerjes:.
Në bisedën ne studio me moderatorin Flavio Qarri Alizoti zbuloi se gjatë takimeve të tij në Gjermani ka hasur një "ashpërsi të paprecedentë" ndaj qeverisë Rama. Ai pretendoi se ndonëse politika zyrtare e Gjermanisë ka qenë historikisht në mbështetje të zgjerimit të BE-së në Ballkanin Perëndimor, informacioni i brendshëm ka krijuar një situatë ku vendosja e një vetoje ndaj Shqipërisë është një mundësi reale. Ky ndryshim drastik qëndrimi imponohet nga shërbimet inteligjente, të cilat raportojnë një situatë problematike në vend, duke përfshirë ndikimin e grupeve kriminale në qeverisje.
Si "vija e kuqe" që ka ndezur alarmin tek ndërkombëtarët përmendet refuzimi i parlamentit për t'i hapur rrugë drejtësisë për hetimin e zëvendëskryeministres Balluku. Ky akt shihet si një provë e qartë se si pushteti politik bllokon drejtësinë për të mbrojtur zyrtarë të lartë. Më tej, Alizoti thekson se Shqipëria nuk qeveriset më nga populli, por nga "kartele" që ndikojnë drejtpërdrejt në formën e qeverisjes, një problem që tashmë është kuptuar qartë edhe nga partnerët e huaj.
Në këtë kontekst, letra e përbashkët e Kryeministrit Rama me Presidentin serb Vuçiç, shihet si një lëvizje strategjike e gabuar që i ka bërë ndërkombëtarët "akoma më agresivë". Sipas Alizotit, propozimi për një bashkim ekonomik pa anëtarësim me të drejta të plota shkel hapur kriteret e BE-së, siç është "acquis communautaire", dhe cenon interesat kombëtare shqiptare. Kjo lëvizje interpretohet si një përpjekje e Ramës për të siguruar mbijetesën e tij politike duke u bashkëngjitur me Serbinë, në dëm të së ardhmes evropiane të vendit.
Flavio Qarri: Tani e para njëherë, riktheheni triumfues apo i shpaguar për atë që u arrit?
Tomorr Alizoti: Nuk mund të themi nëse për vendin tonë ka lajme të këqija që është triumf. Por, të paktën nëse deri dje një pjesë e madhe e ndërkombëtarëve, e miqve tanë të rëndësishëm, e kishin kuptuar por nuk vepronin, ose një pjesë nuk e kishte kuptuar, tani e ka kuptuar në ç'situatë gjendemi ne si opozitë dhe si gjenden shqiptarët dhe shoqëria shqiptare. Rasti i Ballukut, zëvendëskryeministres, ka arritur limitin, vijën e kuqe, sepse si mundet një reformë në drejtësi që ata e kanë suportuar, si mundet një shtet i tërë, kaq haptas, një parlament i tërë, Këshilli i Mandateve, të bllokojë marrjen, përpara drejtësisë së numrit të dytë të qeverisë.
Problemi akoma më madhor është problemi i karteleve, që unë i quaj qëllimisht kartel, nuk i quaj më banditë. Nuk janë banda. Banda ka në të gjithë Evropën Lindore. Kartelet janë disa grupime të cilat ndikojnë në qeverisje, madje edhe në formën e qeverisjes.
Flavio Qarri: Pra qeverisin...
Tmorr Alizoti: Qeverisin dhe janë në një nivel shumë shumë të lartë financiar kartelet e Shqipërisë.
Flavio Qarri: Më falni, po citoni një fakt tashmë të pranuar dhe nga ndërkombëtarët këtë pjesë?
Tomorr Alizoti: Madje shërbimet e tyre sekrete imponojnë politikën gjermane, e cila nëse do arrijë të vendosi një veto për Shqipërinë, është totalisht në kundërshtim me linjën e saj politike të jashtme. Gjermania ka qenë gjithmonë për pranimin e Ballkanit Perëndimor në BE, nuk ka qenë asnjëherë kundra. Është në politikën e saj të jashtme.
Flavio Qarri: Që ta bëjmë pak më të qartë dhe për publikun. Ju po thoni, pavarësisht se linja politike e Berlinit e do Ballkanin Perëndimor të integruar, shërbimet e tyre informative i raportojnë që situata është tragjike saqë duhet të marrë një vendim ndaj kryeministrit aktual.
Tomorr Alizoti: Ky vend i cili nuk qeveriset më nga njerëzit, qeveriset nga kartelet. Dhe fakti që sot Rama është kaq i dobët, ose tregohet i dobët, përpara zëvendëskryeministres, sepse ai politikisht e di që dëmtohet me këtë. Sepse ai ka pasur një tezë, që ju e keni thënë dhe në emisionin tuaj më përpara këtu, që nuk ka dardha, kumbulla mbas meje, çdo njeri që më merr fytyrën mua do të dali personalisht.
Po jo, ka, ai ka thënë diçka që përgjegjësia penale është individuale. Po tani pse nuk është? Pse nuk është individuale përgjegjësia? Dhe kjo është shumë e shqetësuese, kjo është shumë e qartë. Ai nuk e bën këtë gjë dhe kemi muaj e muaj që Parlamenti i Shqipërisë e të gjitha këto mbajnë peng integrimin e Shqipërisë, një gjë madhore kombëtare, për një individ. Nëse ajo është e pastër, dhe ai pretendon që këtë reformë në drejtësi e ka bërë vetë, le të përballet.
Në këto takimet që unë kam arritur të bëj me njerëz të rëndësishëm atje, dhe unë kisha një, ide që mund të ishte, po jo kaq qartë. Pra nga gjithë takimi që unë kam pasur, meqë e njoh Gjermaninë, nuk e kam hasur ndonjëherë këtë ashpërsi ndaj kësaj qeverie.
Dhe bërja e letrës, pra ajo editoriali që është nisma e Ramës, të cilin e mbështet Vuçiçi, i bën akoma më agresiv ata.
Bashkimi Evropian ka shumë traktate, por një nga ato më të rëndësishmet është kriteri i Kopenhagenit. Në kriterin e Kopenhagenit është e bërë qartë që një vend i cili do të jetë pjesë e Bashkimit Evropian, duhet të marrë të gjithë legjislacionin, që quhet “acquis communautaire”. Tani ky në letrën e vet propozon diçka ku thotë, ne nuk ka nevojë të jemi pjesë me të drejta të plota në Bashkimin Evropian, por mund të jemi Bashkim Ekonomik dhe Lëvizjes së Lirë. Këtu ai shkel totalisht në interesat kombëtare shqiptare. Dhe këtë e bën për një individ, që nuk e bën për Ballukun, por e bën për veten e tij, pra, dhe bashkëngjitet me Serbinë.
Deputeti i PS-së, Ulsi Manja, anëtar i Këshillit të Mandateve dhe Imuniteteve ka prezantuar sot raportin në kuadër të k&eum...
Apeli i GJKKO ka lënënë fuqi pezullimin nga detyra të Belinda Ballukut Çështja U shqyrtua nga trupa gjykuese e Apelit të...
Avokatja Adriana Kalaja ka ngritur alarmin për projektin e Portit të Durrësit, duke theksuar se reagimi i fundit i SHBA nuk është thj...
Çështja e imunitetit të Belind Ballukut, ka rreth tre muaj që ka ndezur politikën shqiptare, duke qenë edhe kryefjala e seanca...
Ora 10:00 e paradites të së Hënës do të gjej të mbledhur Grupin Parlamentar të PS për të diskutuar e vendosur p&e...
Zgjedhjet për kryetarin e ri të PD-së Berat, kanë vijuar normalisht ku ka përfunduar procesi i votimit dhe numërimit të vot...
Kryetari i Grupit Parlamentar të PD Gazment Bardhi takon Ambasadorin e Spanjës në Shqipëri. Postimi Kënaqësi takimi me Ambasad...
Kryetari i PD, Sali Berisha ka ndarë një video në Facebook, duke ironizuar deklaratën e fundit të ish-Ministres së Infrastruktur...
Deputeti i Partisë Demokratike, Klevis Balliu, ka denoncuar atë që ai e cilëson si përfshirje të efektivëve të policis&e...
Zëdhënësja e Antikorrupsionit në Partia Demokratike, Genta Vangjeli, ka ngritur dyshime mbi përdorimin e fondeve publike për rikon...
