Këtë të enjte, një ditë pas aksidentit tragjik, do t’i jepet lamtumira e fundit ish-banorit të Big Brother VIP Kosova, Lau...
AKTUALITET
Ja pse u kthye në Itali njëri prej emigrantëve të Shëngjinit/ Nga kërkesa për azil te vendimi nga Gjykata
ZH.LLPërditësimi i fundit 8 Nëntor 2024, 20:48
Emigrantët në Shëngjin
SHËGJIN- Një nga tetë emigrantët egjiptianë dhe nga Bangladeshi që mbërriti në qendrën e pritjes në Shëngjin (Shqipëri) do të kthehet në Itali për arsye shëndetësore.
Anija e marinës italiane mbërriti të premten në mëngjes në portin e Shëngjinit, duke sjellë tetë emigrantë, mirëpo më vonë u bë e ditur se njëri prej tyre duhet të kthehet në Itali. Kjo pasi emigranti përfshihet në kategorinë e pambrojtur dhe duhet të kthehej në Brindisi, me të njëjtën anije e Marinës, shkruajnë mediat italiane.
Në Gjadër, me shumë gjasa 7 emigrantët e mbetur do të aplikojnë për azil. Kërkesat do të duhet të shqyrtohen nga komisioni territorial me procedurë të përshpejtuar. Parashikohet se kërkesa do të refuzohet, por edhe gjyqtarët italianë do të duhet të shprehin mendimin e tyre për ndalimin: dhe nuk është aspak e sigurt se do të jepet miratimi.
Anija “Libra” zbarkoi mëngjesin e së premtes në bregdetin shqiptar, duke u ankoruar në portin e Shëngjinit me 6 persona në bord nga Egjipti dhe 2 nga Bangladeshi. Ata ishin shpëtuar të gjithë të hënën e kaluar në ujërat ndërkombëtare në jug të Lampedusa nga autoritetet italiane. Një pasagjer i nëntë, shumë i moshuar dhe i sëmurë, ishte dërguar në Itali.
Marrëveshja mes qeverisë shqiptare dhe asaj italiane parashikon që emigrantët meshkuj të rritur, të shpëtuar nga anijet e autoriteteve italiane dhe që konsiderohen jo të cënueshëm, do të transportohen në qendrat në Shqipëri. Ky është transferimi i dytë i parashikuar nga sistemi i ri për menaxhimin e emigrantëve që vijnë drejt brigjeve italiane të kërkuar nga qeveria e Giorgia Melonit: si në rastin e parë, megjithatë, nuk është e qartë nëse gjykatat do t’i vërtetojnë përfundimisht këto transferime.
Pas zbarkimit, që ndodhi rreth orës 08:00 të së premtes 8 nëntor, emigrantët u zhvendosën në pikën e nxehtë pranë portit për t’iu nënshtruar disa procedurave të verifikimit dhe u transferuan në kampin e Gjadrit.
