"Ka gjuajtur Enriku, ka dalë edhe Festimi që ishte shofer!" Eliminimi i Ervis Dedës/ Nuredin Dumani: Makinën që përdorën në vrasje, ia sollën nga Fushë-Kosova

TIRANA- Sanca e radhës për dosjen “Plumbi i Artë” po zhvillohet ditën e sotme në GJKKO. Nga kjo seancë janë zbardhur sërish të tjera dëshmi të të penduarit të drejtësisë, Nuredin Dumani. Ky i fundit u pyet  nga avokati i Henrik Hoxhajt për vrasjen e Ervis Dedës.

Dumani tha se për kë vrasje dinte se makinën që përdorën në ekzekutim ja sollën Festimit nga Fushë Kosova. Ai tha se Elvis Deda ose Losha ka qenë duke drekuar.

"E ka gjuajtur Enriku dhe ka dalë edhe Festimi që ishte shofer. Kanë djegur makinën dhe kanë ikur për disa km në këmbë. Këto mi ka thënë Festimi", tha i penduari i drejtësisë.

Pjesë nga marrja në pyetje në sallën e gjyqit:

Avokati: Si ke marre dijeni për vrasjen e Ervis Dedës?

Dumani: Kam ardhur ne dijeni sepse ma ka dhënë Festimi. Kur jam takuar me Festimin kemi shkuar të shkëmbi Kavajës për të kërkuar armën.

Avokati: Si je njohur me Festimin?

Dumani: Jemi njohur për shkak të një konflikti në lokalin e tij

Avokati: Pas njohjes me Festimin keni patur shoqëri të qëndrueshme?

Avokati: Shoqëroheshit me njeri-tjetrin?

Dumani: Po. Shoqëroheshim në dreka darka kur mundeshim. Deri ne 2022 kur jam arrestuar

Avokati: Si komunikoje me Festimin?

Dumani: I thoja djalit të tezes që punonte te lokali.

Avokati: Çfarë te ka thene Festimi per vrasjen e Elvis Dedes?

Dumani: Makinën që përdorën në vrasje ja sollën Festimit nga Fushë Kosova. Elvis Deda ose Losha ka qenë duke drekuar. E ka gjuajtur Enriku dhe ka dalë edhe Festimi që ishte shofer. Kanë djegur makinën dhe kanë ikur për disa km në këmbë. Këto mi ka thënë Festimi.

Nuredin Dumani, një nga emrat më të përfolur në botën e krimit, u vu në pranga mbrëmjen e 29 marsit të vitit 2022 në Fier, pak pasi kishte marrë mjekim për plagosje në shpinë nga tre mjekë në një shtëpi private. Pas burgosjes, Dumani u bë bashkëpunëtor i drejtësisë dhe dëshmitë e tij kanë zbuluar disa nga ngjarjet më të rënda kriminale në vendin tonë.

gjkko