Kabina elektrike rrezikonte jetën e banorëve, OSHEE merr masa pas denoncimit të “Piranjave”

Pas publikimit të denoncimit në Piranja News, për kabinën elektrike që qëndronte e hapur në lagjen “Gurra” në Lezhë, ka ardhur reagimi i OSHEE.

Ditën e sotme OSHEE, i ka vendosur derën metalike kabinës elektrike ku ndodhej transformatori. Qytetarët shprehen shqetësimin e tyre, për rrezikun që iu kanosej, pasi mund të rrezikonin jetën fëmijët. Banorët bënë apel për zgjidhjen e problemit dhe për të parandaluar tragjedi të mundshme.

“Lagjia Gurra Lezhe dera gabinës hapur fëmijët lozin aty. Ju lutem publikojeni se Oshe është vetëm me marr lekët. Duhet bërë publike sa më parë që Oshee Lezhe te marre masat se fëmijët lozin aty do të na ngelin në korrent. Këtu është edhe kopshti Gurra ku lozin fëmijët e transmatori i dritave në lagjen Gurra Lezhë pa derë ju lutem publikojeni se vetëm ke juve gjejmë rrugëzgjidhje”, shkruhej në denoncimin e qytetarit.