Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
AKTUALITET
Kanalet dhe pusetat të papastruara, Shkodra përmbytet brenda pak minutash
PiranjatPërditësimi i fundit 6 Shkurt 2026, 17:07
Pak minuta reshje shiu kanë mjaftuar që qyteti i Shkodrës dhe zonat përreth të përmbyten, duke shkaktuar probleme serioze në qarkullim dhe jetën e përditshme të banorëve.
Një banor nga fshati Bleranë–Bardhaj shprehet se fshati është lënë në harresë totale dhe se mungesa e ndërhyrjeve nga institucionet rrezikon përmbytje të mëdha.
“Fshatin Bleran Bardhaj e kanë lënë në harresë. Nuk vjen dorë as Edi Rama, as Benet Beci. Ju bëj thirrje të kujtohen për këtë vend e të marrin masa para se të përmbytemi edhe ne,” – shprehet banori.
Edhe në qendër të qytetit, situata paraqitet e rënduar. Qytetarët denoncojnë se edhe një orë reshje shiu mjafton për të bllokuar rrugët dhe për të shkaktuar përmbytje.
Ata fajësojnë mosmirëmbajtjen dhe mungesën e pastrimit të kanalizimeve rrugore, duke e cilësuar gjendjen si të turpshme për një qytet si Shkodra. Sipas banorëve, institucionet tregojnë më shumë interes për çështje të tjera, ndërsa problemet bazë të infrastrukturës urbane mbeten të pazgjidhura.
Qytetarët kërkojnë ndërhyrje urgjente dhe zgjidhje konkrete, për të shmangur përkeqësimin e situatës me përmbytjet në ditët në vijim.
